پاکستان مسلم لیگ ن کے رہنما جاوید لطیف نے پریس کانفرنس کرتے ہوئے کہا ہے کہ پری پول ریگنگ لیول پلئینگ اور مٹی پاو کی بہت باتیں ہو رہی ہیں۔ کیا واٹس ایپ پر جے آئی ٹی اور بینچ بننا ڈیو پراسس ہے۔ اس وقت کا ڈی جی آئی ایس آئی شوکت عزیز صدیقی سے کہے کہ اگر نواز شریف مریم نواز کی ضمانت لی تو ہماری محنت ضائع ہو جائے گی۔
انہوں نے کہا کہ جسٹس ثاقب اور جسٹس بندیال تک کے فیصلوں کو ری وزٹ کرنا ڈیو پراسس ہوتا۔ جمہوریت کے پودے کی پرورش کرنی چاہیے لیکن نو مئی کے پودے کی پرورش غلط ہوگی۔ کیا ادیالہ جیل میں بیٹھے شخص نے اپنی غلطیوں پر پشیمانی یا شرمندگی کی ہے۔ زمان پارک کے باہر مسلح جتھے اور دہشت گرد بیٹھانے پر ندامت کی
نو مئی کے ملزم کو کوئی معاف نہیں کر سکتا۔
انہوں نے کہا کہ صدر صاحب آپ کو پی ٹی وی پر حملے پر شرمندگی کا بھی خط لکھنا چاہیے۔ آپ کو ایوان صدر میں جنرل باجوہ اور عمران میں ڈیل کرانے کی کوششوں کا بھی اعترافی خط لکھنا چاہیے۔ صدر صاحب یہ خط لکھیں کہ نواز شریف عمران خان کی زیر التوا پٹیشنز فیکس کی جائیں۔ نواز شریف اور عمران خان کو انتخابات سے پہلے انصاف ملنا چاہیے۔ کیا عدلیہ کو علم نہیں تھا کہ پلے بوائے صادق و امین نہیں ہوتا۔ ووٹ کو عزت دو کا یہ مطلب نہیں کہ مجھے ووٹ کے بغیر باری دی جائے۔
