لاہور(ویب ڈیسک)صوبائی دارلحکومت ایک بار پھر سب سے زیادہ خطرناک ہوا کے معیار کے ساتھ عالمی درجہ بندی میں سرفہرست ہے۔
منگل کی صبح شہر میں ایئر کوالٹی انڈیکس یا AQI 500 سے اوپر ریکارڈ کیا گیا۔
کوٹ لکھپت میں درجہ حرارت 508، ٹاؤن شپ میں 456، ڈیفنس میں 455، ایڈن کاٹیج میں 450 اور فتح گڑھ میں 427 ریکارڈ کیا گیا۔
انوائرمنٹ پروٹیکشن ڈیپارٹمنٹ یا EPD کے مطابق، فضائی آلودگی کی بنیادی وجہ گاڑیوں سے نکلنے والا دھواں، صنعتی اخراج اور اگلے سیزن کے لیے کھیتوں کی تیاری کے لیے فصلوں کو جلانا شامل ہے۔
سموگ کے باعث لاہور بھر میں حد نگاہ کم ہوگئی جس سے مسافروں کو مشکلات کا سامنا کرنا پڑرہا ہے۔
ادھر کمشنر لاہور محمد عثمان نے میونسپل کچرا جلانے پر پابندی عائد کرتے ہوئے خبردار کیا ہے کہ خلاف ورزی کرنے والوں کے خلاف مقدمات درج کیے جائیں گے۔
ڈپٹی کمشنرز کارروائی کریں گے اور زرعی زمینوں پر فصلوں کی باقیات کو جلانے پر روزانہ رپورٹ پیش کریں گے، انہوں نے مزید کہا کہ آر ٹی اے اور ٹریفک پولیس کے سیکرٹری کو دھواں چھوڑنے والی گاڑیوں کو ضبط کرنا چاہیے۔
