ستحکام پاکستان پارٹی کے صدر عبدالعلیم خان نے جموں و کشمیر پر بھارت کے غاصبانہ قبضے کے 76سال مکمل ہونے پر اظہار یکجہتی کرتے ہوئے کہا ہے کہ آج کے دن کشمیریوں کی جدوجہد آزادی اور مثالی جرات کو خراج تحسین پیش کرتے ہیں جو طویل عرصے سے بے پناہ ظلم و جبر برداشت کرر ہے ہیں لیکن بھارت اُن کے عزم اور حوصلوں کو کچل نہیں سکا۔
اپنے ٹوئٹ میں عبدالعلیم خان کا کہنا تھا کہ اسلحے کے زور پر بھارت کا یہ غیر قانونی قبضہ انسانی حقوق اور اقوام متحدہ کی قراردادوں کی کھلم کھلا خلاف ورزی ہے جس کی جتنی مذمت کی جائے کم ہے۔انہوں نے کہا کہ خطے میں اُس وقت تک امن نہیں ہو سکتا جب تک کشمیر کے مسئلے کو اقوام متحدہ کی قرار دادوں کے مطابق حل نہ کیا جائے۔عبدالعلیم خان نے مزید کہا کہ آج کے دن پوری قوم اپنے کشمیری بھائیوں کے ساتھ کھڑی ہے ا ور اُن کے غیر متزلزل حوصلوں کو سلام پیش کرتی ہے۔
اس سے قبل گزشتہ روز استحکام پاکستان پارٹی کے صدر عبدالعلیم خان نے بیان جاری کیا تھا کہ گزشتہ نا اہل حکومتوں نے عالمی سطح پر پاکستان کے تشخص کو ناقابل تلافی نقصان پہنچایا، اب یہ واضح ہو گیا ہے کہ سیاست میں ریاستی اداروں کے بارے میں غیر ذمہ دارانہ رویے والوں کی کوئی گنجائش نہیں۔ انہوں نے مزید کہا کہ عوام اپنے مسائل کا عملی حل چاہتے ہیں، اب دعووں اور وعدوں سے کام نہیں چلے گا۔صدر آئی پی پی نے کہا کہ حقیقی معنوں میں لوگوں کو اُن کا حق دینا ہوگا جس کے لئے استحکام پاکستان پارٹی اپنا مثبت کردار ادا کرنے کو تیار ہے۔
ملک بھر میں عید میلاد النبی ﷺ کا جشن جوش و جذبے سے منایا جا رہا ہے کراچی: حضرت محمد…
پنجاب میں الیکٹرک گاڑیوں کیلئے 3ہزار چارجنگ اسٹیشنز لگائے جائینگے لاہور: پنجاب سرمایہ کاری بورڈ کے کمیٹی روم میں پنجاب…
جہیز میں بائیک اور پیسے نہ دینے پر شوہر نے بیوی کو موت کے گھاٹ اتار دیا امروہہ، بھارت: بھارت…
سپریم کورٹ کی وضاحت جاری کرنے کا عمل متنازع ہوگیا اسلام آباد: سپریم کورٹ کے 8 ججز کی جانب سے…
تنہائی کا احساس فالج کا خطرہ بڑھا دیتا ہے: ماہرین کی تحقیق نیویارک: ماہرین صحت کے ایک تازہ مطالعے میں…
قادیانیوں کو غیر مسلم قرار دینے پر 7 ستمبر کو عام تعطیل کی منظوری اسلام آباد: سینیٹ آف پاکستان نے…