سماء نیوز کی رپورٹ کے مطابق سابق وزراءاعظم میاں نواز شریف اور میاں شہباز شریف کی جان کو خطرہ ہے۔ رپورٹ کے مطابق سکیورٹی اداروں کی جانب نواز شریف کی سکیورٹی سخت کر دی گئی ہے۔ سکیورٹی اداروں نے دونوں بھائیوں کو ایک ہی جگہ اکٹھے ہونے سے بھی منع کر دیا ہے جبکہ دونوں بھائیوں کو خاندان کے دوسرے افراد کے ساتھ بھی اکٹھے ہونے سے منع کیا گیا ہے۔
رپورٹ کے مطابق نواز شریف اور شہباز شریف کی جان کو خطرہ ہے، تھریٹ کے حوالے سے وضاحت سامنے نہیں آئی تاہم سکیورٹی ٹائٹ کردی گئی ہے۔ نواز شریف کی پیشیوں کیلئے بھی پولیس کی بھاری نفری تعینات کی گئی۔ نواز شریف کی پیشی کے موقع پر 1200 پولیس اہکار موجود تھے جبکہ نواز شریف کی آمد سے قبل کمرہ عدالت کو بم ڈسپوژل سکواڈ نے چیک کر کے کلئیر کیا۔
شہباز شریف کے پاس پہلے سے سابق وزیراعظم والی سکیورٹی موجود پے جبکہ نواز شریف کو اسلام آباد ائیرپورٹ لینڈ کرتے ہی اسلام آباد پولیس نے سابق وزیراعظم والی سکیورٹی فراہم کر دی تھی۔ نواز شریف کے سکواڈ میں دو جیمر والی گاڑیاں بھی شامل کی گئی ہیں تاکہ کسی بھی حادثے سے بچا جا سکے۔
