مریم نواز کے حکم پر بشریٰ بی بی کو رات میں تنگ کیا جاتا ہے: بیرسٹر سیف
پشاور: مشیر اطلاعات خیبر پختونخوا بیرسٹر سیف نے الزام عائد کیا ہے کہ مریم نواز کے احکامات پر بشریٰ بی بی کو جیل میں رات کے وقت اٹھا کر تلاشی لی جاتی ہے۔
بیرسٹر سیف نے اپنے بیان میں کہا کہ مریم نواز کی جانب سے جاری کردہ احکامات کے تحت بشریٰ بی بی کو جیل میں بے جا تنگ کیا جا رہا ہے۔ ایک باپردہ خاتون کو کیمروں کے سامنے تلاشی کے عمل سے گزار کر ان کی تضحیک کی جا رہی ہے۔ راتوں کو نیند سے جگا کر جیل کے سیل کی تلاشی کے بہانے انہیں ذہنی اذیت دی جا رہی ہے، یہاں تک کہ ان کے بالوں کی تلاشی بھی رات کو لی جاتی ہے۔
انہوں نے مزید کہا کہ بشریٰ بی بی کے ساتھ یہ سلوک عمران خان کو دباؤ میں لانے کی ناکام کوشش ہے، لیکن وہ عمران خان کے ساتھ کھڑی ہیں اور ان کی حوصلہ افزائی کی طاقت بنی ہوئی ہیں۔ بیرسٹر سیف نے کہا کہ مریم نواز کی حکومت میں خواتین پر ظلم کے پہاڑ توڑے جا رہے ہیں۔
بیرسٹر سیف کا مزید کہنا تھا کہ پشاور کی ایک بزرگ خاتون کو بھی گرفتار کر کے قید کیا گیا ہے، جو مریم نواز کی والدہ کی عمر کی ہیں۔ ان پر بھی ترس نہیں کھایا جا رہا۔ بغضِ عمران میں جعلی حکومت نہ تو بوڑھوں کا خیال رکھ رہی ہے اور نہ ہی بچوں کا۔ انہوں نے مریم نواز کو تنقید کا نشانہ بناتے ہوئے کہا کہ وہ اتنا ظلم نہ کریں کہ کل کو انہیں برداشت نہ کر سکیں۔
4 اکتوبر کو ہر صورت ڈی چوک پہنچیں گے: علی امین گنڈاپور اسلام آباد: وزیراعلیٰ خیبر پختونخوا علی امین گنڈا…
پاکستان میں مہنگائی کی شرح ہماری توقعات سے زیادہ کم ہوئی ہے: وفاقی وزیر خزانہ اسلام آباد :وفاقی وزیر خزانہ…
پٹرول سستا مگر اشیاء کی قیمتوں میں کمی کیوں نہیں؟ حالیہ دنوں میں حکومت کی جانب سے پٹرولیم مصنوعات کی…
پاکستان کرکٹ بورڈ نے بابر اعظم کا استعفیٰ منظور کر لیا لاہور:پاکستان کرکٹ بورڈ (پی سی بی) نے قومی کرکٹ…
عمران خان اب عالم اسلام کے لیڈ ربن چکے ہیں:پرویز الٰہی لاہور:سابق وزیرِ اعلیٰ پنجاب چوہدری پرویز الٰہی نے واضح…
نواز شریف نے لندن جانے کا اپنا منصوبہ مؤخر کر دیا لاہور:آئینی ترمیم کے مسئلے کی وجہ سے مسلم لیگ…