ایس آئی ایف سی کی بڑی کامیابی، چین کی 100 ٹیکسٹائل کمپنی پاکستان میں سرمایہ کاری کریں گی
اسلام آباد :چین کے رُویِی شینڈونگ گروپ نے ایس آئی ایف سی کی معاونت سے پاکستان کے صوبہ سندھ اور پنجاب میں ٹیکسٹائل پارکس قائم کرنے کا اعلان کیا ہے۔ یہ ٹیکسٹائل پارکس چین پاکستان اقتصادی راہداری (سی پیک) کا حصہ ہیں، جن کا مقصد دونوں ممالک کے درمیان اقتصادی تعاون کو فروغ دینا اور دو طرفہ تعلقات کو مضبوط کرنا ہے۔
چین کے رُویِی شینڈونگ گروپ کے وفد نے حالیہ دورے کے دوران پاکستان بورڈ آف انویسٹمنٹ کے ساتھ اس منصوبے کے حوالے سے مفاہمتی یادداشت پر دستخط کیے۔ وفد نے ایس آئی ایف سی کے اقدامات پر مکمل اعتماد کا اظہار کرتے ہوئے پاکستان میں غیر ملکی سرمایہ کاری کو آسان بنانے کے لیے اقدامات کی تعریف کی۔
ٹیکسٹائل پارکس کے قیام سے پاکستان کی ٹیکسٹائل برآمدات میں 5 بلین ڈالر تک اضافے کی توقع ہے، اور عالمی ٹیکسٹائل حب کے طور پر پاکستان کی پوزیشن کو مزید مستحکم کیا جائے گا۔ اس منصوبے کے تحت چین کی تقریباً 100 بڑی ٹیکسٹائل کمپنیاں سرمایہ کاری کریں گی، جس سے برآمدات میں 2 بلین ڈالر سے 5 بلین ڈالر تک اضافہ متوقع ہے۔ مزید برآں، یہ منصوبہ مقامی باشندوں کے لیے 5 لاکھ نئی ملازمتیں پیدا کرے گا اور ملک کی اقتصادی ترقی میں اہم کردار ادا کرے گا۔
یہ ٹیکسٹائل پارکس جدید ٹیکنالوجیز اور شمسی توانائی سے چلائے جائیں گے، جن میں کاربن کے اخراج کو صفر کرنے کی کوشش کی جائے گی۔ یہ پارکس نہ صرف ٹیکسٹائل صنعت کی ترقی میں اہم کردار ادا کریں گے بلکہ ملک کی معیشت کی خوشحالی میں بھی کلیدی کردار ادا کریں گے۔
4 اکتوبر کو ہر صورت ڈی چوک پہنچیں گے: علی امین گنڈاپور اسلام آباد: وزیراعلیٰ خیبر پختونخوا علی امین گنڈا…
پاکستان میں مہنگائی کی شرح ہماری توقعات سے زیادہ کم ہوئی ہے: وفاقی وزیر خزانہ اسلام آباد :وفاقی وزیر خزانہ…
پٹرول سستا مگر اشیاء کی قیمتوں میں کمی کیوں نہیں؟ حالیہ دنوں میں حکومت کی جانب سے پٹرولیم مصنوعات کی…
پاکستان کرکٹ بورڈ نے بابر اعظم کا استعفیٰ منظور کر لیا لاہور:پاکستان کرکٹ بورڈ (پی سی بی) نے قومی کرکٹ…
عمران خان اب عالم اسلام کے لیڈ ربن چکے ہیں:پرویز الٰہی لاہور:سابق وزیرِ اعلیٰ پنجاب چوہدری پرویز الٰہی نے واضح…
نواز شریف نے لندن جانے کا اپنا منصوبہ مؤخر کر دیا لاہور:آئینی ترمیم کے مسئلے کی وجہ سے مسلم لیگ…