مینارِ پاکستان جلسہ، ڈی سی کو پی ٹی آئی کی درخواست پر 30 ستمبر تک فیصلہ کرنے کا حکم
لاہور : لاہور ہائی کورٹ نے پاکستان تحریک انصاف (پی ٹی آئی) کی مینارِ پاکستان پر جلسہ کرنے کی اجازت کے لیے دائر درخواست پر سماعت کرتے ہوئے ڈپٹی کمشنر (ڈی سی) لاہور کو ہدایت کی ہے کہ وہ 30 ستمبر تک اس درخواست پر فیصلہ کریں۔ جسٹس فاروق حیدر نے پی ٹی آئی کے اکمل خان باری کی درخواست پر سماعت کی۔
درخواست گزار کے وکیل نے عدالت کو بتایا کہ ان کی مینارِ پاکستان پر جلسہ کرنے کی درخواست ڈی سی لاہور کے پاس زیرِ غور ہے، لیکن ابھی تک اس پر کوئی فیصلہ نہیں ہوا۔ اس پر عدالت نے سرکاری وکیل کو ہدایت دی کہ 30 ستمبر تک ڈی سی لاہور اس درخواست پر فیصلہ کریں اور اپنی رپورٹ ڈپٹی رجسٹرار جوڈیشل کے پاس جمع کروائیں۔
لاہور ہائی کورٹ نے بعد ازاں پی ٹی آئی کی درخواست کو نمٹاتے ہوئے ڈی سی لاہور کو 30 ستمبر تک درخواست پر فیصلہ کرنے کی ہدایت کی۔ اس درخواست میں پنجاب حکومت، ڈپٹی کمشنر لاہور سمیت دیگر کو فریق بنایا گیا تھا، جس میں مؤقف اختیار کیا گیا کہ پی ٹی آئی بانی عمران خان کی سالگرہ 5 اکتوبر کو منانے کے لیے ایک پرامن جلسہ کرنا چاہتی ہے۔
درخواست میں عدالت سے یہ بھی استدعا کی گئی تھی کہ مینارِ پاکستان پر شام 5 بجے سے رات 10 بجے تک جلسہ کرنے کی اجازت دی جائے اور ضلعی حکومت کو اس جلسے کے لیے اجازت دینے کا حکم دیا جائے۔
4 اکتوبر کو ہر صورت ڈی چوک پہنچیں گے: علی امین گنڈاپور اسلام آباد: وزیراعلیٰ خیبر پختونخوا علی امین گنڈا…
پاکستان میں مہنگائی کی شرح ہماری توقعات سے زیادہ کم ہوئی ہے: وفاقی وزیر خزانہ اسلام آباد :وفاقی وزیر خزانہ…
پٹرول سستا مگر اشیاء کی قیمتوں میں کمی کیوں نہیں؟ حالیہ دنوں میں حکومت کی جانب سے پٹرولیم مصنوعات کی…
پاکستان کرکٹ بورڈ نے بابر اعظم کا استعفیٰ منظور کر لیا لاہور:پاکستان کرکٹ بورڈ (پی سی بی) نے قومی کرکٹ…
عمران خان اب عالم اسلام کے لیڈ ربن چکے ہیں:پرویز الٰہی لاہور:سابق وزیرِ اعلیٰ پنجاب چوہدری پرویز الٰہی نے واضح…
نواز شریف نے لندن جانے کا اپنا منصوبہ مؤخر کر دیا لاہور:آئینی ترمیم کے مسئلے کی وجہ سے مسلم لیگ…