علی امین گنڈاپور سمیت دیگر راہنمائوںکے ناقابل ضمانت وارنٹ جاری
علی امین گنڈاپور سمیت دیگر راہنمائوں کے ناقابل ضمانت وارنٹ جاری
اسلام آباد:انسداد دہشت گردی عدالت اسلام آباد نے وزیراعلیٰ خیبر پختونخوا علی امین گنڈاپور سمیت تحریک انصاف کے متعدد رہنماؤں کے ناقابل ضمانت وارنٹ گرفتاری جاری کر دیے ہیں، جبکہ عمر تنویر بٹ کو مسلسل غیر حاضری پر اشتہاری قرار دیا گیا ہے۔
یہ فیصلہ جوڈیشل کمپلیکس حملہ اور توڑ پھوڑ سے متعلق تھانہ آئی نائن میں درج دہشت گردی کے مقدمے میں علی امین گنڈاپور کی ضمانت قبل از گرفتاری کی درخواست پر سماعت کے دوران جج طاہر عباس سپرا نے سنایا۔
سماعت کے دوران علی امین گنڈاپور کے وکیل راجہ ظہور الحسن نے ان کی حاضری معافی کی درخواست جمع کروائی۔ تاہم جج نے اس پر برہمی کا اظہار کرتے ہوئے کہا کہ پہلے 4 ستمبر کو حاضری معافی مانگی گئی تھی، لیکن 8 ستمبر کو جلسے میں شرکت کیسے ممکن ہوئی؟
عدالت نے علی امین گنڈاپور کی درخواست کو عدم پیروی کی بنا پر مسترد کرتے ہوئے ان کے ناقابل ضمانت وارنٹ گرفتاری جاری کر دیے۔ ساتھ ہی واثق قیوم عباسی، راجہ راشد حفیظ اور عامر محمود کیانی کے بھی ناقابل ضمانت وارنٹ گرفتاری جاری کیے گئے ہیں۔
عمر تنویر بٹ کو مسلسل غیر حاضری کی وجہ سے اشتہاری قرار دیا گیا، جبکہ فیصل جاوید کی حاضری معافی کی درخواست منظور کرتے ہوئے کیس کی مزید سماعت 3 اکتوبر تک ملتوی کر دی گئی۔
بیٹر کے زوردار شارٹ نےایمپائر کے منہ کا حلیہ ہی بگاڑ دیا جس کی تصاویر بھی سوشل میڈیا پر وائرل…
پاکستان تحریک انصاف کا 24 نومبر کو ہونے والا احتجاج رکوانے کے لیے پس پردہ ملاقاتیں جاری ہیں۔سینیئر صحافی انصار…
سابق وزیراعظم عمران خان کی توشہ خانہ ٹو کیس میں ضمانت منظور کر لی گئی۔آج اسلام آباد ہائیکورٹ میں جسٹس…
معروف خاتون نجومی باباوانگا نے ۲۰۲۵ سے متعلق خطرناک پیشگوئیاں کر دیں۔۱۹۱۱ میں پیدا ہونے والی بابا وانگا نے مرنے…
علیمہ خان نے اڈیالہ جیل کے باہر میڈیا سے گفتگو کرتے ہوئے کہا کہ پاکستان تحریک انصاف (پی ٹی آئی)…
چیئرمین پاکستان ٹیلی کمیونیکیشن اتھارٹی (پی ٹی اے) حفیظ الرحمان نے سینیٹ کی قائمہ کمیٹی کو بریفنگ دیتے ہوئے واضح…