وزیرستان میں جھڑپیں، 12 خوارج ہلاک، 6 جوان شہید
راولپنڈی: شمالی اور جنوبی وزیرستان میں سکیورٹی فورسز اور دہشت گردوں کے درمیان 19 اور 20 ستمبر کو شدید جھڑپیں ہوئیں، جس کے نتیجے میں 12 خوارج ہلاک کر دیے گئے۔
آئی ایس پی آر کے مطابق 19 ستمبر کو شمالی وزیرستان کے علاقے اسپن وام میں پاک افغان سرحد کے قریب دہشت گردوں کے ایک گروپ کی نقل و حرکت کا پتا چلا۔ سکیورٹی فورسز نے فوری ردعمل دیتے ہوئے دہشت گردوں کو گھیر لیا۔ فائرنگ کے تبادلے کے دوران تمام 7 خوارج ہلاک کر دیے گئے، جن کے قبضے سے بھاری مقدار میں اسلحہ، گولہ بارود اور دھماکہ خیز مواد برآمد ہوا۔
ایک اور اہم جھڑپ 20 ستمبر کو جنوبی وزیرستان کے علاقے لدھا میں پیش آئی، جہاں دہشت گردوں کے ایک گروپ نے سکیورٹی فورسز کی پوسٹ پر حملہ کیا۔ سیکیورٹی فورسز کی جوابی کارروائی میں 5 خوارج مارے گئے۔ تاہم اس دوران ملک کے 6 بہادر فوجی جوان دشمن کا مقابلہ کرتے ہوئے شہید ہو گئے۔
ان کارروائیوں کے بعد علاقے میں کلیئرنس آپریشن جاری ہے تاکہ کسی بھی باقی ماندہ خوارج کو ٹھکانے لگایا جا سکے۔ آئی ایس پی آر کے مطابق، پاکستانی سیکیورٹی فورسز دہشت گردی کے خلاف اپنے عزم پر قائم ہیں اور ملکی سلامتی کے لیے اپنے جانثاروں کی قربانیاں اس عزم کو مزید مضبوط کرتی ہیں۔
ان جھڑپوں سے یہ ثابت ہوتا ہے کہ پاک فوج ملک میں دہشت گردی کے خاتمے کے لیے ہر ممکن قدم اٹھا رہی ہے اور دہشت گردوں کو ان کے عزائم میں کامیاب نہیں ہونے دیا جائے گا۔
سپریم کورٹ کی ججز کمیٹی میں رد و بدل، جسٹس امین نے جسٹس منیب کی جگہ لے لی اسلام آباد:…
پی ٹی آئی کو لاہور جلسے کی اجازت، مقام جلو پارک منتقل لاہور: پاکستان تحریک انصاف (پی ٹی آئی) کو…
ایرانی اعلیٰ حکام کے موبائل فون سکیورٹی کیلئے کمیٹی کے حوالے تہران:ایران میں پاسداران انقلاب کے وزیر، محسن رفیق دوست،…
آئی سی سی کا چیمپئنز ٹرافی کیلئے پاکستان کے سکیورٹی انتظامات پر اظہار اطمینان لاہور :انٹرنیشنل کرکٹ کونسل (آئی سی…
غلام مرتضیٰ پاکستان میں خصوصی افراد کی فلاح و بہبود کے لیے مختلف حکومتی اقدامات سامنے آتے رہے ہیں، لیکن…
نئی پارٹی پوزیشن جاری، قومی اسمبلی سے پی ٹی آئی کا وجود ختم اسلام آباد میں اسپیکر کی جانب سے…