لاہور بڑی تباہی سے بچ گیا، 3 دہشت گرد ہلاک
لاہور : لاہور ایک بڑی تباہی سے بچ گیا ۔کائونٹر ٹیررازم ڈیپارٹمنٹ (سی ٹی ڈی) کے اہلکاروں اور دہشت گردوں کے درمیان ایک فائرنگ کے تبادلے میں تین دہشت گرد ہلاک ہو گئے۔ سی ٹی ڈی کے ترجمان نے بتایا کہ ننکانہ صاحب انٹرچینج کے قریب ایک انٹیلی جنس بیسڈ کارروائی کے دوران دہشت گردوں نے سی ٹی ڈی کی ٹیم پر فائرنگ کر دی، جس کے نتیجے میں تین دہشت گرد اپنے ہی ساتھیوں کی فائرنگ سے ہلاک ہو گئے جبکہ دو دہشت گرد فرار ہو گئے۔
سی ٹی ڈی حکام کے مطابق، دہشت گردوں کے قبضے سے تین دستی بم، تین ڈیٹونیٹر، سیفٹی فیوز وائر، دو رائفلیں، گولیاں اور بارودی مواد برآمد ہوا۔ فرار ہونے والے دہشت گردوں کی گرفتاری کے لئے سرچ آپریشن جاری ہے، اور سی ٹی ڈی کی ٹیموں نے موٹروے ننکانہ انٹرچینج کے قریب ناکہ بندی کر لی ہے۔
ترجمان سی ٹی ڈی نے مزید بتایا کہ ہلاک شدہ دہشت گردوں کی شناخت کا عمل جاری ہے اور یہ بات سامنے آئی ہے کہ دہشت گرد لاہور پر ایک بڑے حملے کی منصوبہ بندی مکمل کر چکے تھے۔ سی ٹی ڈی کی بروقت کارروائی نے شہر کو ایک بڑی تباہی سے محفوظ کر لیا۔
لبنان بھر میں 500 سے زائد دھماکوں کی نئی لہر ،واکی ٹاکیز اور ریڈیو ٹارگٹ لبنان میں ایک نئی لہر…
جلد موبائل فون سے اپنی پسندیدہ خوشبو بھی سونگھ سکیں گے جدید ٹیکنالوجی کے دور میں موبائل فون کی خصوصیات…
روسی دارالحکومت پر یوکرینی ڈرونز کا بڑا حملہ، ایئرپورٹس بند یوکرین کی جانب سے روس پر اب تک کا سب…
امریکا کا پاکستان کے بیلسٹک میزائل پروگرام پر اعتراض واشنگٹن: امریکی محکمہ خارجہ کے ترجمان میتھیو ملر کا کہنا ہے…
سینیٹ مکمل نہیں، ترامیم کیسے منظور ہو سکتی ہیں؟ علی محمد خان کا سوال اسلام آباد: پاکستان تحریک انصاف (پی…
جویریہ عباسی کی دوسری شادی کی تصاویر اور ویڈیوز منظر عام پر کراچی: پاکستانی شوبز انڈسٹری کی معروف اور سینئر…