وزارت اطلاعات نے یوم دفاع کی چھٹی کے نوٹیفکیشن کو جعلی قرار دیا
اسلام آباد:وزارت اطلاعات و نشریات نے 6 ستمبر یوم دفاع کی عام تعطیل کے حوالے سے سوشل میڈیا پر وائرل ہونے والے نوٹیفکیشن کو جعلی قرار دیتے ہوئے واضح طور پر اس کی تردید کردی ہے۔
وزارت اطلاعات نے اپنے جاری کردہ اعلامیے میں کہا کہ سوشل میڈیا پر یوم دفاع کے موقع پر عام تعطیل کے حوالے سے پھیلایا جانے والا نوٹیفکیشن جعلی ہے اور اس قسم کی جعلی خبریں پھیلانا نہ صرف غیر اخلاقی اور غیر قانونی ہے بلکہ یہ قومی وقار کی توہین کے مترادف ہے۔
اعلامیے میں مزید کہا گیا کہ ایسی غیر ذمہ دارانہ سرگرمیوں کو رد کرنا اور ان کے خلاف آواز اٹھانا ہر فرد کی ذمہ داری ہے۔
