اختر مینگل نے قومی اسمبلی کی رکنیت چھوڑنے کا اعلان کر دیا
اسلام آباد: بلوچستان نیشنل پارٹی (بی این پی) کے سربراہ سردار اختر مینگل نے قومی اسمبلی کی رکنیت سے استعفیٰ دینے کا اعلان کر دیا ہے۔ انہوں نے یہ اعلان پارلیمنٹ میں اپنے ساتھی محمود خان اچکزئی کے ہمراہ صحافیوں سے گفتگو کرتے ہوئے کیا۔
اختر مینگل نے کہا کہ وہ اسمبلی میں بلوچستان کے مسائل پر بات کرنا چاہتے تھے، مگر انہیں محسوس ہوا کہ بلوچستان کے مسائل پر پارلیمنٹ میں کوئی دلچسپی نہیں ہے۔ انہوں نے کہا کہ پارلیمنٹیرینز خود اعتراف کرتے ہیں کہ "بلوچستان ہمارے ہاتھوں سے نکل رہا ہے”، مگر درحقیقت بلوچستان ان کے ہاتھوں سے نکل چکا ہے۔
سردار اختر مینگل نے اس بات پر افسوس کا اظہار کیا کہ بلوچستان میں بے شمار لوگوں کا خون بہا دیا گیا ہے، اور اس مسئلے پر کسی نے سنجیدگی سے غور نہیں کیا۔ انہوں نے مطالبہ کیا کہ بلوچستان کے مسئلے پر ایک خاص اجلاس بلایا جانا چاہیے تھا تاکہ اس پر تفصیلی بات چیت ہو سکے۔انہوں نے مزید کہا کہ جب بھی بلوچستان کے مسائل پر بات ہوتی ہے تو میڈیا بلیک آؤٹ کر دیا جاتا ہے، اور ان کی آواز کو دبایا جاتا ہے۔
اختر مینگل نے کہا کہ اگر ان کی باتوں سے کسی کو اختلاف ہے تو انہیں تحمل سے سنا جائے، اور اگر ان کی باتیں غلط لگیں تو انہیں ہر سزا قبول ہے۔ انہوں نے کہا، "مجھے بے شک پارلیمنٹ کے باہر انکاؤنٹر کریں یا مار دیں، لیکن ہماری بات تو سنیں۔”انہوں نے اس بات پر بھی زور دیا کہ بلوچستان کے مسائل کو حل کرنے کے لیے سب کو مل کر کام کرنا ہوگا، ورنہ اس صوبے کی صورتحال مزید بگڑتی جائے گی۔
زمین کے گرد ملبے کا دائرہ، کیا اس نے دنیا کے موسم پر اثر ڈالا؟ میلبرن: ایک حیرت انگیز تحقیق…
2030 تک سعودی عرب شمسی توانائی سے 40 گیگا واٹ بجلی پیدا کرے گا ریاض: سعودی عرب نے شمسی توانائی…
کراچی میں یومیہ 45 افراد ہارٹ اٹیک کا شکار، 15 فیصد نوجوان نسل شامل کراچی: قومی ادارہ برائے امراض قلب…
مولانا طارق جمیل نے ہیئر ٹرانسپلانٹ کروالیا، ویڈیو وائرل پاکستان کے معروف اسلامی اسکالر اور عالمی شہرت یافتہ مبلغ، مولانا…
فیض حمید کا سیاسی کردار فوج کی روایات کے منافی تھا: سیکیورٹی حکام پاکستان کے اعلیٰ سیکیورٹی حکام نے ایک…
علی امین گنڈاپور کا لاہور جلسے کے حوالے سے اہم پیغام جاری پشاور: وزیراعلی خیبرپختونخوا نے لاہور جلسے کے حوالے…