اڈیالہ جیل میں قیدیوں کے درمیان لڑائی، ایک قیدی زخمی

اڈیالہ جیل میں قیدیوں کے درمیان لڑائی، ایک قیدی زخمی

راولپنڈی :راولپنڈی کی اڈیالہ جیل میں قیدیوں کے درمیان لڑائی کے نتیجے میں ایک قیدی زخمی ہو گیا۔ جیل انتظامیہ کے مطابق یہ واقعہ 29 اگست کو جیل کی چکر مسجد کے قریب پیش آیا۔
تفصیلات کے مطابق، قتل کے مقدمے میں گرفتار قیدی آتش حسین نے قیدی انجم سے جھگڑا کیا، جس دوران آتش حسین نے ایک خود ساختہ کٹر کے ذریعے انجم کی گردن، سر، اور کندھے پر وار کیے جس سے وہ زخمی ہوگیا۔ زخمی قیدی کو فوری طور پر طبی امداد فراہم کی گئی اور اس کا میڈیکل چیک اپ بھی کروایا گیا۔
اس واقعے کی رپورٹ اسسٹنٹ سپریٹنڈنٹ عمران شہزاد کی مدعیت میں تھانہ صدر بیرونی میں درج کی گئی ہے۔ مقدمے کے متن کے مطابق، اس واقعے کے دو گواہ چیف وارڈر نواب خان اور وارڈر ریاض اقبال ہیں، جنہوں نے اس لڑائی کو خود دیکھا۔
پولیس نے قیدی آتش حسین کے خلاف مقدمہ درج کر لیا ہے اور واقعے کی تحقیقات شروع کر دی گئی ہیں۔