پیپلز پارٹی کا اہم فیصلوں میں ن لیگ کا ساتھ دینے کا فیصلہ
اسلام آباد:سابق وزیراعظم اور چیئرمین سینیٹ یوسف رضا گیلانی نے حالیہ میڈیا گفتگو میں کہا ہے کہ پاکستان پیپلز پارٹی قومی سلامتی اور ملکی مسائل کے حل کے لیے وزیر اعظم کے کسی بھی فیصلے میں ان کا مکمل ساتھ دے گی۔ گیلانی نے پیپلز پارٹی کی مذاکراتی تاریخ پر روشنی ڈالتے ہوئے بتایا کہ جلاوطنی کے دوران بھی انہوں نے میاں نواز شریف کے ساتھ مذاکرات کیے اور میثاق جمہوریت پر دستخط کیے۔
یوسف رضا گیلانی نے مزید کہا کہ اس وقت وزیر اعظم پاکستان ہی ٹیم کے کپتان ہیں، جنہیں اہم فیصلے لینے چاہیے اور ملک کو آگے بڑھانا چاہیے۔ انہوں نے مزید کہا کہ ملکی مسائل کے حل کے لیے تمام جماعتوں کو اتحاد کی ضرورت ہے۔
انہوں نے زور دیا کہ پیپلز پارٹی ہمیشہ مذاکرات اور ملکی سلامتی کے حوالے سے وزیراعظم کی قیادت کی حمایت کرتی رہے گی۔ انہوں نے یہ بھی کہا کہ ملک میں دہشت گردی کا ایک بڑا سبب سیاسی جماعتوں کا آپس میں اختلافات کا شکار ہونا ہے، اور ملکی سلامتی کے لیے تمام جماعتوں کو ایک ہونا پڑے گا۔
مولانا فضل الرحمٰن کے حوالے سے بات کرتے ہوئے یوسف رضا گیلانی نے کہا کہ ان کے ساتھ پرانے تعلقات ہیں اور وہ انہیں ایک زیرک سیاستدان سمجھتے ہیں۔ انہوں نے کہا کہ مولانا فضل الرحمٰن اور ان کی جماعت کے ساتھ پیپلز پارٹی کے تعلقات مضبوط ہیں اور ہم چاہتے ہیں کہ مل کر ملک و قوم کی خدمت کریں۔
2030 تک 19 ہزار میگاواٹ بجلی سسٹم میں شامل ہو جائیگی اسلام آباد :پاور ڈویژن کے حکام نے اعلان کیا…
سمندر پار پاکستانیوں کی ترسیلات زر 8.581ارب ڈالر سے تجاوز لاہور:سمندر پار پاکستانیوں کی جانب سے روشن ڈیجیٹل اکاؤنٹس کے…
قیدی نمبر 804 نے مینار پاکستان جلسے کا این او سی جاری کر دیا ہے: حماد اظہر لاہور:پاکستان تحریک انصاف…
پارلیمنٹ کے بنائے قوانین پر عمل درآمد کریں،مخصوص نشستوں کی تبدیلی ممکن نہیں: ایاز صادق اسلام آباد: مسلم لیگ (ن)…
ہر شہر میں پی ایچ اے بنے گا، مریم نوازکا اعلان وزیراعلیٰ پنجاب مریم نواز شریف نے صوبے کے ہر…
معروف کمپنی کی ملازمہ کام کے دباؤ سے جاں بحق بھارت کے شہر پونے میں ایک افسوسناک واقعہ پیش آیا…