میاں محمد سعید ڈیرے والے کی ارشد ندیم سے خصوصی ملاقات

لاہور : انجمن آرائیاں پاکستان کے صدر میاں محمد سعید ڈیرے والے نے اولمپین ارشد ندیم کے ساتھ ایک خصوصی ملاقات کی۔ اس ملاقات میں، میاں محمد سعید نے ارشد ندیم کو اولمپک گیمز میں شاندار کارکردگی پر مبارکباد دی اور انہیں پوری آرائیں برادری کی جانب سے خراج تحسین پیش کیا۔میاں محمد سعید ڈیرے والے نے اس موقع پر کہا کہ ارشد ندیم نے پاکستان کا نام عالمی سطح پر روشن کیا ہے اور ان کی یہ کامیابی پوری قوم کے لیے باعث فخر ہے۔
انہوں نے کہا کہ ارشد ندیم کا گولڈ میڈل پاکستانی قوم کے لیے تمغہ امتیاز سے کم نہیں ہے۔انجمن آرائیاں پاکستان کے صدر نے ارشد ندیم کو انجمن کی جانب سے ایک خصوصی دعوت دینے کی پیشکش کی، جسے ارشد ندیم نے خوشی سے قبول کیا۔ ارشد ندیم نے میاں محمد سعید کی عزت اور احترام کا اظہار کرتے ہوئے کہا کہ وہ ان کی دعوت کو بہت قدر کی نگاہ سے دیکھتے ہیں۔میاں محمد سعید ڈیرے والے نے اس ملاقات کے دوران اعلان کیا کہ انجمن آرائیاں پاکستان، ارشد ندیم کے اعزاز میں ایک شاندار تقریب کا اہتمام کرے گی، جس میں ان کی شایان شان مہمان نوازی کی جائے گی۔ انہوں نے کہا کہ ارشد ندیم جیسے قومی ہیروز کی حوصلہ افزائی ہماری ذمہ داری ہے اور انجمن آرائیاں پاکستان ان کی خدمات کو سراہنے کے لیے ہمیشہ پیش پیش رہے گی۔