شیر افضل مروت کی بانی پی ٹی آئی سے ملاقات، اختلافات ختم
لاہورـ:شیر افضل مروت نے بانی پاکستان تحریک انصاف سے ملاقات کے بعد میڈیا سے گفتگو کرتے ہوئے کہا ہے کہ ملاقات کے دوران پارٹی کے اندرونی اختلافات اور گلے شکوے دور کر دیے گئے ہیں۔ انہوں نے کہا کہ بانی پی ٹی آئی سے بات چیت کے بعد فیصلہ ہوا ہے کہ اب پارٹی رہنماؤں کے حوالے سے کوئی بیان نہیں دیا جائے گا۔
انہوں نے مزید بتایا کہ بانی پی ٹی آئی نے انہیں 22 اگست کو ہونے والے جلسے کی مکمل ذمہ داری سونپ دی ہے۔ شیر افضل مروت نے کہا کہ وہ خود اس جلسے کی حکمت عملی تیار کریں گے اور اس حوالے سے ضروری اقدامات اٹھائیں گے۔
شیر افضل مروت نے یہ بھی بتایا کہ بانی پی ٹی آئی نے پارٹی کے اندر کسی بھی گروپ بندی کی مخالفت کرتے ہوئے واضح ہدایات دی ہیں کہ پارٹی میں کوئی گروہ نہیں بننا چاہیے۔ اس کے ساتھ ہی انہوں نے کہا کہ وہ بیرسٹر گوہر کے ساتھ ملاقات کر کے تمام اختلافات کا حل نکال لیں گے۔
انہوں نے مزید کہا کہ ملک بھر میں احتجاج کی ذمہ داری اب ہماری ہو گی، قوم کو ہمت، حوصلے اور جرأت کے ساتھ نکلنا ہو گا۔
شیر افضل مروت نے اس بات پر زور دیا کہ اب اسٹریٹجی وہ خود بنائیں گے، اور اگر دوبارہ 9 مئی جیسے واقعات ہوئے تو اس کی ذمہ داری وہ خود قبول کریں گے نہ کہ بانی پی ٹی آئی۔
اس سے قبل بھی شیر افضل مروت کا میڈیا سے گفتگو کرتے ہوئے کہنا تھا کہ یہ جو میڈیا لگا ہوا تھا کہ مجھے پارٹی سے نکال دیا، کدھر گیا وہ نکال دیا، ’’وڑ گیا‘‘ سارا۔ عمران خان اور میری محبت کوئی چغلیوں سے دور نہیں کر سکتا، خان میرا لیڈر ہے۔
زمین کے گرد ملبے کا دائرہ، کیا اس نے دنیا کے موسم پر اثر ڈالا؟ میلبرن: ایک حیرت انگیز تحقیق…
2030 تک سعودی عرب شمسی توانائی سے 40 گیگا واٹ بجلی پیدا کرے گا ریاض: سعودی عرب نے شمسی توانائی…
کراچی میں یومیہ 45 افراد ہارٹ اٹیک کا شکار، 15 فیصد نوجوان نسل شامل کراچی: قومی ادارہ برائے امراض قلب…
مولانا طارق جمیل نے ہیئر ٹرانسپلانٹ کروالیا، ویڈیو وائرل پاکستان کے معروف اسلامی اسکالر اور عالمی شہرت یافتہ مبلغ، مولانا…
فیض حمید کا سیاسی کردار فوج کی روایات کے منافی تھا: سیکیورٹی حکام پاکستان کے اعلیٰ سیکیورٹی حکام نے ایک…
علی امین گنڈاپور کا لاہور جلسے کے حوالے سے اہم پیغام جاری پشاور: وزیراعلی خیبرپختونخوا نے لاہور جلسے کے حوالے…