عمران خان کی اہلیہ کی عبوری ضمانت خارج، 7 دن میں تفتیش مکمل کرنے کا حکم
راولپنڈی: انسداد دہشت گردی کی عدالت (اے ٹی سی) نے 9 مئی 2023 کے واقعات سے متعلق 12 مقدمات میں سابق وزیر اعظم عمران خان کی اہلیہ بشریٰ بی بی کی عبوری ضمانت کی درخواست مسترد کر دی ہے۔ اس کیس کے سلسلے میں عمران خان سمیت پی ٹی آئی کے 500 سے زائد ملزمان کو عدالت میں پیش کیا گیا۔
عدالت نے سماعت کے بعد حکم دیا کہ بشریٰ بی بی سے تفتیش 7 دن کے اندر مکمل کی جائے۔ یاد رہے کہ 9 مئی 2023 کو القادر ٹرسٹ کیس میں عمران خان کی گرفتاری کے بعد ملک گیر احتجاج کیا گیا تھا، جس کے دوران لاہور کے علاقے ماڈل ٹاؤن میں مسلم لیگ (ن) کے دفتر سمیت فوجی، سول اور نجی تنصیبات کو نذر آتش کیا گیا تھا۔
اس دوران ملک بھر میں توڑ پھوڑ اور جلاؤ گھیراؤ کے واقعات میں سرکاری و نجی املاک کو شدید نقصان پہنچایا گیا، جس کے نتیجے میں کم از کم 8 افراد ہلاک اور 290 زخمی ہوئے تھے۔ ان واقعات کے بعد قانون نافذ کرنے والے اداروں نے 1900 سے زائد افراد کو گرفتار کیا، جن میں پی ٹی آئی کے مرکزی رہنما بھی شامل تھے۔
9 مئی کے واقعات کے الزام میں پی ٹی آئی کے مرکزی رہنماؤں یاسمین راشد، محمود الرشید، اعجاز چوہدری اور صنم جاوید کو بھی گرفتار کیا گیا تھا۔ عدالت نے ان کیسز میں تفتیش اور قانونی کارروائی کو جلد از جلد مکمل کرنے کی ہدایت دی ہے تاکہ انصاف کی فراہمی یقینی بنائی جا سکے۔
زمین کے گرد ملبے کا دائرہ، کیا اس نے دنیا کے موسم پر اثر ڈالا؟ میلبرن: ایک حیرت انگیز تحقیق…
2030 تک سعودی عرب شمسی توانائی سے 40 گیگا واٹ بجلی پیدا کرے گا ریاض: سعودی عرب نے شمسی توانائی…
کراچی میں یومیہ 45 افراد ہارٹ اٹیک کا شکار، 15 فیصد نوجوان نسل شامل کراچی: قومی ادارہ برائے امراض قلب…
مولانا طارق جمیل نے ہیئر ٹرانسپلانٹ کروالیا، ویڈیو وائرل پاکستان کے معروف اسلامی اسکالر اور عالمی شہرت یافتہ مبلغ، مولانا…
فیض حمید کا سیاسی کردار فوج کی روایات کے منافی تھا: سیکیورٹی حکام پاکستان کے اعلیٰ سیکیورٹی حکام نے ایک…
علی امین گنڈاپور کا لاہور جلسے کے حوالے سے اہم پیغام جاری پشاور: وزیراعلی خیبرپختونخوا نے لاہور جلسے کے حوالے…