سپریم کورٹ میں ارشد شریف قتل کیس کی سماعت کے لیے نیا بینچ تشکیل
اسلام آباد: سپریم کورٹ نے معروف صحافی ارشد شریف قتل کیس کے از خود نوٹس کی سماعت کے لیے جسٹس جمال خان مندوخیل کی سربراہی میں 5 رکنی لارجر بینچ تشکیل دے دیا ہے جو گرمیوں کی چھٹیوں کے بعد سماعت کرے گا۔
سپریم کورٹ کی پریکٹس اینڈ پروسیجر کمیٹی کے اجلاس میں لارجر بینچ تشکیل دینے کا فیصلہ اکثریتی رائے سے کیا گیا۔ جسٹس منصور علی شاہ کی تجویز پر جسٹس جمال خان مندوخیل کی سربراہی میں 5 رکنی بینچ بنایا گیا۔ لارجر بینچ کے دیگر اراکین میں جسٹس محمد علی مظہر، جسٹس عائشہ ملک، جسٹس حسن اظہر رضوی، اور جسٹس اطہر من اللہ شامل ہیں۔
ذرائع کے مطابق، جسٹس جمال خان مندوخیل کی سربراہی میں 5 رکنی لارجر بینچ کی تشکیل کا فیصلہ دو ایک کے تناسب سے ہوا، جہاں چیف جسٹس قاضی فائز عیسیٰ نے جسٹس منصور علی شاہ کی سربراہی میں تین رکنی بینچ برقرار رکھنے کی رائے دی۔
جسٹس منصور علی شاہ نے جسٹس جمال مندوخیل کی سربراہی میں 5 رکنی بینچ تشکیل دینے کی تجویز دی، جس سے جسٹس منیب اختر نے بھی اتفاق کیا۔ پریکٹس اینڈ پروسیجر کمیٹی نے اکثریتی رائے پر جسٹس جمال مندوخیل کی سربراہی میں لارجر بینچ بنانے کا فیصلہ کیا، تاہم چیف جسٹس کی رائے تھی کہ ارشد شریف قتل کیس کی سماعت چھٹیوں کے دوران تین رکنی بینچ کو ہی سننی چاہیے۔
سپریم کورٹ کا 5 رکنی لارجر بینچ اب گرمیوں کی چھٹیوں کے بعد ارشد شریف قتل کیس کی سماعت کرے گا۔ یاد رہے کہ گزشتہ سماعت جسٹس منصور علی شاہ کی سربراہی میں تین رکنی بینچ نے کی تھی اور جسٹس منصور علی شاہ نے لارجر بینچ کی تشکیل کے لیے معاملہ کمیٹی کو بھیج دیا تھا۔
زمین کے گرد ملبے کا دائرہ، کیا اس نے دنیا کے موسم پر اثر ڈالا؟ میلبرن: ایک حیرت انگیز تحقیق…
2030 تک سعودی عرب شمسی توانائی سے 40 گیگا واٹ بجلی پیدا کرے گا ریاض: سعودی عرب نے شمسی توانائی…
کراچی میں یومیہ 45 افراد ہارٹ اٹیک کا شکار، 15 فیصد نوجوان نسل شامل کراچی: قومی ادارہ برائے امراض قلب…
مولانا طارق جمیل نے ہیئر ٹرانسپلانٹ کروالیا، ویڈیو وائرل پاکستان کے معروف اسلامی اسکالر اور عالمی شہرت یافتہ مبلغ، مولانا…
فیض حمید کا سیاسی کردار فوج کی روایات کے منافی تھا: سیکیورٹی حکام پاکستان کے اعلیٰ سیکیورٹی حکام نے ایک…
علی امین گنڈاپور کا لاہور جلسے کے حوالے سے اہم پیغام جاری پشاور: وزیراعلی خیبرپختونخوا نے لاہور جلسے کے حوالے…