عوام کیلئے خوشخبری، پٹرولیم مصنوعات میں بڑی کمی متوقع

عوام کیلئے خوشخبری، پٹرولیم مصنوعات میں بڑی کمی متوقع

اسلام آباد: عالمی مارکیٹ میں خام تیل کی قیمتوں میں کمی کے باعث پاکستان میں پیٹرولیم مصنوعات کی قیمتوں میں بھی کمی کا امکان ہے۔
ذرائع کے مطابق، یکم اگست سے پیٹرولیم مصنوعات کی قیمتوں میں فی لیٹر 11 روپے تک کی کمی ہو سکتی ہے۔ آئندہ پندرہ روز کے دوران پیٹرول کی قیمت میں 5 روپے 50 پیسے، اور ڈیزل کی قیمت میں 11 روپے تک کی کمی کی توقع ہے
اسی طرح، مٹی کے تیل کی قیمت میں 5 روپے 84 پیسے اور لائیٹ ڈیزل کی قیمت میں 5 روپے فی لیٹر تک کی کمی ہو سکتی ہے۔
گزشتہ دس روز کے دوران عالمی مارکیٹ میں خام تیل کی قیمتوں میں کمی آئی ہے۔ اوگرا آج عالمی مارکیٹ کی قیمتوں کی بنیاد پر نئے نرخوں کا تعین کرے گا۔
وزیر اعظم کی حتمی منظوری کے بعد قیمتوں کا باقاعدہ نوٹیفکیشن جاری کیا جائے گا۔