کنری پاک: صحرائے تھرپارکر میں آسمانی بجلی گرنے کے واقعات میں 8 افراد جاں بحق ہوگئے۔ ننگرپارکر کے گاؤں اکراٹو بھیل میں آسمانی بجلی گرنے سے بھیل برادری کے 6 افراد جان سے ہاتھ دھو بیٹھے۔
تھرپارکر کے مختلف علاقوں میں گرج چمک کے ساتھ موسلا دھار بارشوں کا سلسلہ جاری ہے، جس کے باعث قدرتی آفات کے واقعات پیش آ رہے ہیں۔ گاؤں اکراٹو بھیل میں بارش کے دوران آسمانی بجلی گرنے سے 6 افراد جان بحق ہو گئے، جن میں بچے اور بڑے شامل ہیں۔
تھرپارکر کے مختلف علاقوں بشمول ننگرپارکر، چھاچھرو، اسلام کوٹ اور مٹھی میں گرج چمک کے ساتھ بارش کا سلسلہ وقفے وقفے سے جاری ہے۔ حالیہ بارشوں کے دوران ننگرپارکر کے گاؤں اکراڑو بھیل میں آسمانی بجلی گرنے سے 6 افراد جاں بحق اور ایک شخص زخمی ہوا۔
محکمہ موسمیات نے کراچی سمیت سندھ کے مختلف اضلاع میں مزید بارش کی پیش گوئی کی ہے۔ ان کا کہنا ہے کہ طاقتور مون سون ہواؤں کا سلسلہ سندھ میں داخل ہو چکا ہے، اور منگل کو بھی دیہی سندھ کے مختلف اضلاع میں گرج چمک کے ساتھ بارش کا امکان ہے۔
واضح رہے کہ حالیہ بارشوں کے باعث مختلف علاقوں میں سیلابی صورتحال بھی پیدا ہو سکتی ہے، جس کے پیش نظر عوام کو احتیاطی تدابیر اختیار کرنے کی ہدایت کی گئی ہے۔
محکمہ موسمیات نے علاقے میں مزید بارشوں کی پیش گوئی کی ہے، جس کے پیش نظر مقامی انتظامیہ کو ہنگامی صورتحال سے نمٹنے کے لیے تیار رہنے کی ہدایت کی گئی ہے۔ عوام کو بھی احتیاطی تدابیر اختیار کرنے کی ہدایت کی گئی ہے تاکہ مزید جانی نقصان سے بچا جا سکے۔
