شرقپور شریف: غیرت کے نام پر دو بیٹیوں کے قتل کا اندوہناک واقعہ
شرقپور شریف کے علاقے بھوئے ڈھکو میں ایک شخص نے غیرت کے نام پر اپنی دو جوان بیٹیوں کو قتل کر دیا اور ان کی موت کو کرنٹ لگنے کا ڈرامہ بنا کر اسی روز تدفین کر دی۔
پولیس کے مطابق، اعظم علی نامی شخص کی بیٹیوں نرما اور عروج کے بارے میں اہل علاقہ میں باتیں ہو رہی تھیں جس کی وجہ سے اعظم نے اپنی بیٹیوں کو زہر دے کر اور پھر کرنٹ لگا کر قتل کر دیا۔
ایف آئی آر کے مطابق، والدہ مسرت نے بتایا کہ وہ چارہ لینے کے لیے کھیت میں گئی ہوئی تھیں اور جب واپس آئیں تو دونوں بیٹیاں مردہ حالت میں زمین پر پڑی تھیں جبکہ ان کا شوہر اعظم صحن میں بیٹھا تھا۔ اعظم نے اعتراف کیا کہ اس نے بیٹیوں کو غلط کردار کی وجہ سے بار بار منع کیا مگر وہ باز نہیں آئیں اور اہل محلہ کی باتیں برداشت نہ ہونے پر انہیں زہر دے کر اور کرنٹ لگا کر قتل کر دیا۔
اعظم نے مسرت کو دھمکی دی کہ اگر اس نے کسی کو بتایا تو وہ اسے بھی مار دے گا۔ اہل محلہ کے اکٹھے ہونے پر انہیں بتایا گیا کہ بیٹیاں کرنٹ لگنے سے مر گئی ہیں اور اسی رات ان کی تدفین بھی کر دی گئی۔
پولیس کو ایک ہمسائے کی طرف سے شک گزرنے پر اطلاع دی گئی، جس کے بعد والدہ مسرت کی مدعیت میں مقدمہ درج کر کے ملزم کی تلاش شروع کر دی گئی ہے۔ معلوم ہوا ہے کہ نرما شادی شدہ تھی جبکہ عروج کنواری تھی۔
فیض حمید کا سیاسی کردار فوج کی روایات کے منافی تھا: سیکیورٹی حکام پاکستان کے اعلیٰ سیکیورٹی حکام نے ایک…
علی امین گنڈاپور کا لاہور جلسے کے حوالے سے اہم پیغام جاری پشاور: وزیراعلی خیبرپختونخوا نے لاہور جلسے کے حوالے…
حکومت لاکھوں پاکستانیوں کو پاسپورٹ نہ ملنے کی ذمہ دار لاہور: حکومت ہزاروں لوگوں کو بروقت مشین ریڈ ایبل اور…
سپریم کورٹ کا بوجھ کم کرنے کے لیے آئینی عدالتوں کا قیام ضروری ہے:بلاول بھٹو پاکستان پیپلزپارٹی (پی پی پی)…
بھارت چھوڑنے کے بعد ڈاکٹر ذاکر نائیک نے پاکستان نہ آنے کی وجہ بتا دی؟ عالمی شہرت یافتہ تقابلِ ادیان…
آئینی ترامیم جمہوریت پر حملہ، سپریم کورٹ کو بچانا ہوگا: عمران خان پاکستان تحریک انصاف کے بانی اور سابق وزیراعظم…