چیف جسٹس کو قتل کی دھمکیاں دینے پر تحریک لبیک پاکستان کے نائب امیر گرفتار
چیف جسٹس کو قتل کی دھمکیاں دینے پر تحریک لبیک پاکستان کے نائب امیر گرفتار
لاہور: تحریک لبیک پاکستان (ٹی ایل پی) کے نائب امیر، ظہیرالحسن شاہ کو چیف جسٹس پاکستان قاضی فائز عیسیٰ کو قتل کی دھمکیاں دینے پر گرفتار کر لیا گیا ہے۔
پولیس ذرائع کے مطابق، ظہیرالحسن شاہ کو اوکاڑہ سے گرفتار کیا گیا ہے جہاں وہ نامعلوم مقام پر چھپے ہوئے تھے۔ ان پر چیف جسٹس کو قتل کی دھمکی دینے کے الزام میں مقدمہ درج کیا گیا ہے۔
مقدمے میں تحریک لبیک پاکستان کے 1500 کارکنان کو بھی نامزد کیا گیا ہے۔ مقدمے میں انسداد دہشت گردی ایکٹ، مذہبی منافرت پھیلانے، فساد برپا کرنے اور عدلیہ پر دباؤ ڈالنے کی دفعات شامل ہیں۔ پولیس کے مطابق، اس مقدمے میں اعلیٰ عدلیہ کو دھمکی دینے، کار سرکار میں مداخلت کرنے اور قانونی فرائض میں رکاوٹ ڈالنے کی دفعات بھی شامل کی گئی ہیں۔
پولیس کے مطابق پیر ظہیرالحسن نے لاہور پریس کلب کے باہر احتجاج کے دوران اعلیٰ عدلیہ کے خلاف نفرت انگیز تقاریر کیں۔تھانہ قلعہ گجر سنگھ میں ایس ایچ او حماد حسین کی مدعیت میں ٹی ایل پی کے نائب امیر سمیت 1500 کارکنان کے خلاف مقدمہ درج کیا گیا ۔
یہ کارروائی قانون کی بالادستی اور عدلیہ کے تحفظ کو یقینی بنانے کے لیے کی گئی ہے۔ پولیس کا کہنا ہے کہ قانون کو ہاتھ میں لینے والے کسی بھی شخص کے خلاف سخت کارروائی کی جائے گی۔
4 اکتوبر کو ہر صورت ڈی چوک پہنچیں گے: علی امین گنڈاپور اسلام آباد: وزیراعلیٰ خیبر پختونخوا علی امین گنڈا…
پاکستان میں مہنگائی کی شرح ہماری توقعات سے زیادہ کم ہوئی ہے: وفاقی وزیر خزانہ اسلام آباد :وفاقی وزیر خزانہ…
پٹرول سستا مگر اشیاء کی قیمتوں میں کمی کیوں نہیں؟ حالیہ دنوں میں حکومت کی جانب سے پٹرولیم مصنوعات کی…
پاکستان کرکٹ بورڈ نے بابر اعظم کا استعفیٰ منظور کر لیا لاہور:پاکستان کرکٹ بورڈ (پی سی بی) نے قومی کرکٹ…
عمران خان اب عالم اسلام کے لیڈ ربن چکے ہیں:پرویز الٰہی لاہور:سابق وزیرِ اعلیٰ پنجاب چوہدری پرویز الٰہی نے واضح…
نواز شریف نے لندن جانے کا اپنا منصوبہ مؤخر کر دیا لاہور:آئینی ترمیم کے مسئلے کی وجہ سے مسلم لیگ…