خاتون کو ہراساں کرنے والا ملزم گرفتار، قابل اعتراض تصاویر برآمد

خاتون کو ہراساں کرنے والا ملزم گرفتار، قابل اعتراض تصاویر برآمد

اسلام آباد: ایف آئی اے سائبر کرائم اسلام آباد نے ایک ملزم کو گرفتار کیا ہے جو خاتون کو قابل اعتراض تصاویر کے ذریعے ہراساں کر رہا تھا۔

ملزم حاصل محمد کو اسلام آباد میں چھاپہ مار کارروائی کے دوران گرفتار کیا گیا۔ملزم کے قبضے سے متاثرہ خاتون کی قابل اعتراض تصاویر برآمد ہوئیں، جنہیں وہ بلیک میلنگ اور ہراسانی کے لیے استعمال کر رہا تھا۔

ایف آئی اے نے ملزم کے قبضے سے موبائل فون اور دیگر ڈیوائسز بھی ضبط کر لی ہیں جنہیں جرم میں استعمال کیا جا رہا تھا۔ گرفتار ملزم کے خلاف تفتیش جاری ہے۔