عوام سے کوہالہ مظفر آباد روڈ پر سفر سے گریز کی درخواست

عوام سے کوہالہ مظفر آباد روڈ پر سفر سے گریز کی درخواست

اسلام آباد: نیشنل ہائی وے اتھارٹی (این ایچ اے) نے کوہالہ-مظفر آباد روڈ (ایس ٹو) پر لینڈ سلائیڈنگ کی وجہ سے بند ہونے والی سڑک کی بحالی کا کام شروع کر دیا ہے۔ این ایچ اے کے ترجمان کے مطابق، ڈولئی کے مقام پر لینڈ سلائیڈنگ کی وجہ سے سڑک بند ہو گئی تھی۔
این ایچ اے کی ٹیمیں بھاری مشینری کے ساتھ ملبہ ہٹانے میں مصروف ہیں۔ ترجمان نے بتایا کہ لینڈ سلائیڈنگ کے دوران ایک مسافر بس پھنس گئی تھی، تاہم کوئی جانی نقصان نہیں ہوا۔ این ایچ اے اور متعلقہ ایمرجنسی ادارے بس کو نکالنے کی کوششیں کر رہے ہیں۔ ترجمان نے مزید کہا کہ احتیاطی تدابیر کے تحت سڑک کو چند گھنٹوں میں ہلکی ٹریفک کے لیے کھول جائے گا۔
عوام سے گزارش کی گئی ہے کہ کوہالہ-مظفر آباد شاہراہ پر سفر سے فی الحال گریز کریں۔ سڑک کی بحالی اور ٹریفک کے لیے کھلنے کے بعد عوام کو میڈیا کے ذریعے آگاہ کیا جائے گا۔