سرکاری ملازمین کی تنخواہوں میں25 فیصد اضافے کی منظوری
پشاور: خیبر پختونخوا حکومت نے سرکاری ملازمین کی تنخواہوں میں 25 فیصد اضافے کی منظوری دے دی ہے۔
صوبائی محکمہ خزانہ کی جانب سے جاری اعلامیہ کے مطابق، صوبائی کابینہ نے سرکولیشن سمری کے ذریعے اس اضافے کی منظوری دی ہے، جو یکم جولائی 2024ء سے ایڈہاک ریلیف الاؤنس کے تحت عمل میں آئے گا۔
گریڈ 1 سے 16 تک کے ملازمین کی بنیادی تنخواہ پر 25 فیصد اضافہ کیا جائے گا، جبکہ گریڈ 17 سے 22 تک کے افسران کی تنخواہوں میں 20 فیصد اضافہ ہوگا۔ پہلے بجٹ میں ملازمین کی تنخواہوں میں صرف 10 فیصد اضافے کا اعلان کیا گیا تھا لیکن مرکز اور دیگر صوبوں میں ہم آہنگی کیلئے اس اضافے کو بڑھا کر 25 فیصد کر دیا گیا ہے۔ فنانس بل 2024ء میں صوبائی اسمبلی سے ترمیم کی منظوری لی جائے گی۔
اسی طرح، خیبر پختونخوا حکومت نے ریٹائرڈ سرکاری ملازمین کی پنشن میں بھی 15 فیصد اضافے کے احکامات جاری کر دیے ہیں۔ بجٹ میں اس مد میں 10 فیصد اضافہ کیا گیا تھا، جو اب بڑھا کر 15 فیصد کر دیا گیا ہے۔ محکمہ خزانہ کے مطابق، یہی اضافہ فیملی پنشن میں بھی کیا گیا ہے۔
لبنان بھر میں 500 سے زائد دھماکوں کی نئی لہر ،واکی ٹاکیز اور ریڈیو ٹارگٹ لبنان میں ایک نئی لہر…
جلد موبائل فون سے اپنی پسندیدہ خوشبو بھی سونگھ سکیں گے جدید ٹیکنالوجی کے دور میں موبائل فون کی خصوصیات…
روسی دارالحکومت پر یوکرینی ڈرونز کا بڑا حملہ، ایئرپورٹس بند یوکرین کی جانب سے روس پر اب تک کا سب…
امریکا کا پاکستان کے بیلسٹک میزائل پروگرام پر اعتراض واشنگٹن: امریکی محکمہ خارجہ کے ترجمان میتھیو ملر کا کہنا ہے…
سینیٹ مکمل نہیں، ترامیم کیسے منظور ہو سکتی ہیں؟ علی محمد خان کا سوال اسلام آباد: پاکستان تحریک انصاف (پی…
لاہور بڑی تباہی سے بچ گیا، 3 دہشت گرد ہلاک لاہور : لاہور ایک بڑی تباہی سے بچ گیا ۔کائونٹر…