جوڈیشل کمیشن کی منظوری: جسٹس ریٹائرڈ سردار طارق مسعود اور مظہر عالم ایڈہاک جج مقرر
اسلام آباد: جوڈیشل کمیشن آف پاکستان نے جسٹس ریٹائرڈ سردار طارق مسعود اور جسٹس ریٹائرڈ مظہر عالم کی بطور ایڈہاک جج سپریم کورٹ میں تقرری کی منظوری دے دی ہے۔ یہ منظوری چیف جسٹس قاضی فائز عیسیٰ کی زیر صدارت ہونے والے جوڈیشل کمیشن کے اجلاس میں دی گئی، جس میں دونوں ناموں کو ایک سال کے لیے منظور کیا گیا۔
ذرائع کے مطابق، جسٹس منیب اختر نے دونوں ایڈہاک ججوں کے ناموں کی مخالفت کی۔ مزید برآں، جسٹس منصور علی شاہ اور جسٹس یحییٰ آفریدی نے جسٹس مظہر عالم میاں خیل کی مخالفت کی، یہ دعویٰ کرتے ہوئے کہ جسٹس مظہر عالم پہلے ہی اس عہدے سے انکار کر چکے ہیں۔
ذرائع نے بتایا کہ جسٹس ریٹائرڈ سردار طارق مسعود کے نام پر جسٹس منیب اختر کے علاوہ تمام کمیشن ارکان نے اتفاق کیا۔ جبکہ جسٹس ریٹائرڈ مظہر عالم میاں خیل کے نام کو 3-6 کی اکثریت سے منظور کیا گیا، جس میں جسٹس منصور علی شاہ، جسٹس منیب اختر اور جسٹس یحییٰ آفریدی نے مخالفت کی۔
یہ بات قابل ذکر ہے کہ سپریم کورٹ کے ایڈہاک ججز کے طور پر چار سابق ججز کے نام تجویز کیے گئے تھے جن میں جسٹس میشر عالم، جسٹس سردار طارق مسعود، جسٹس مظہر عالم میاں خیل اور جسٹس ریٹائرڈ مقبول باقر شامل تھے۔ تاہم، جسٹس ریٹائرڈ مشیر عالم، جسٹس ریٹائرڈ مقبول باقر اور جسٹس ریٹائرڈ مظہر عالم میاں خیل نے ایڈہاک جج بننے سے معذرت کی تھی۔
چیمپئنز کپ میں شاداب اور شاہین کی گرما گرم جھڑپ، ویڈیو وائرل فیصل آباد کے اقبال اسٹیڈیم میں کھیلے گئے…
پیکیجنگ میں شامل کیمیکلز انسانوں کے لیے سنگین خطرہ، نئی تحقیق کا انکشاف زیورخ: ایک حالیہ عالمی تحقیق نے انکشاف…
گوگل نے کروم میں براؤزنگ کو مزید آسان بنا دیا گوگل کروم دنیا کے مقبول ترین ویب براؤزرز میں سے…
لیفٹیننٹ جنرل خالد الحربی کو کرپشن پر سزا املاک ضبط، 20 سال قید سعودی عرب میں کرپشن کے خلاف جاری…
نیپرا نے بلیک آؤٹ کے بعد پاور پلانٹس کی ناکامی پر کارروائی کا آغاز کر دیا نیشنل الیکٹرک پاور ریگولیٹری…
نوجوان نسل کو ڈیجیٹل سکلز کی تربیت وقت کی اہم ضرورت پاکستان کے معاشی اور ترقیاتی سفر میں ہمیشہ سے…