گوادر میں دہشت گردوں کے عزائم خاک میں مل گئے: سیکورٹی فورسز کی کامیاب کارروائی
گوادر: سیکورٹی فورسز نے گوادر کے علاقے منڈی میں دہشت گرد حملے کی کوشش کو ناکام بنا دیا۔
تفصیلات کے مطابق، رات گئے دہشت گردوں نے منڈی میں دھماکا خیز مواد نصب کیا تھا، تاہم سیکورٹی فورسز اور بم ڈسپوزل اسکواڈ نے فوری کارروائی کرتے ہوئے ان کی سازش کو ناکام بنا دیا۔ موثر کارروائی سے دہشت گردوں اور ان کے سہولت کاروں کے آئندہ ہونے والے جلسے میں دہشت گردی کے منصوبے کو بھی ناکام بنا دیا گیا۔
سیکورٹی فورسز نے کلیئرنس آپریشن مکمل کر لیا ہے اور علاقے کو محفوظ بنا دیا ہے۔ بلوچستان میں دہشت گرد تنظیمیں سیکورٹی اداروں کی متواتر کارروائیوں کے باعث کمزور ہو چکی ہیں۔
یہ کامیابی سیکورٹی فورسز کی مستعدی اور بروقت کارروائی کا نتیجہ ہے، جس سے علاقے میں امن و امان کی صورتحال کو بہتر بنانے میں مدد ملی ہے۔
