ریٹائرڈ ججوں کی دوبارہ تعیناتی پر فواد چوہدری کی شدید تنقید
فواد چوہدری: ریٹائرڈ ججوں کی دوبارہ تعیناتی سے مرضی کے فیصلے آئیں گے
سابق وفاقی وزیر فواد چوہدری نے سپریم کورٹ میں ایڈہاک ججز کی تقرری کے خلاف عوام اور وکلا سے احتجاج کی اپیل کی ہے۔ ان کا کہنا ہے کہ ریٹائرڈ ججوں کی دوبارہ تعیناتی سے انصاف پر مبنی فیصلے نہیں آئیں گے بلکہ مرضی کے فیصلے آئیں گے۔
فواد چوہدری نے اپنے ویڈیو بیان میں کہا کہ ریٹائرڈ ججوں کی دوبارہ تعیناتی کی مخالفت کی جانی چاہیے کیونکہ ان کی سیاسی وابستگیاں ہیں۔ انہوں نے مثال دیتے ہوئے کہا کہ ایک جج تو سندھ کے نگراں وزیراعلیٰ رہ چکے ہیں اور ان کو دوبارہ تعینات کیا جا رہا ہے۔
انہوں نے مزید کہا کہ پاکستان کے ہر شہری اور ہر وکیل کی ذمہ داری ہے کہ وہ اس ناانصافی کے خلاف کھڑے ہوں کیونکہ یہ انسانی اور سیاسی حقوق کی خلاف ورزی ہے۔
فواد چوہدری کا کہنا تھا کہ جو ججز آئین کی بالادستی کے لیے کھڑے ہیں، ان کو عملی طور پر فارغ کیا جا رہا ہے۔ انہوں نے اسلام آباد، راولپنڈی، پشاور اور لاہور کے وکلا کو اس جدوجہد کی قیادت کرنے کی درخواست کی۔
واضح رہے کہ چیف جسٹس قاضی فائز عیسیٰ نے سپریم کورٹ میں ایڈہاک ججز کی تقرری کے لیے جوڈیشل کمیشن کا اجلاس 19 جولائی کو طلب کیا ہے اور چار ریٹائرڈ ججوں کے نام تجویز کیے ہیں۔ تاہم، جسٹس ریٹائرڈ مشیر عالم نے ایڈہاک جج بننے سے معذرت کر لی ہے اور اپنے فیصلے سے جوڈیشل کمیشن کو آگاہ کر دیا ہے۔
لبنان بھر میں 500 سے زائد دھماکوں کی نئی لہر ،واکی ٹاکیز اور ریڈیو ٹارگٹ لبنان میں ایک نئی لہر…
جلد موبائل فون سے اپنی پسندیدہ خوشبو بھی سونگھ سکیں گے جدید ٹیکنالوجی کے دور میں موبائل فون کی خصوصیات…
روسی دارالحکومت پر یوکرینی ڈرونز کا بڑا حملہ، ایئرپورٹس بند یوکرین کی جانب سے روس پر اب تک کا سب…
امریکا کا پاکستان کے بیلسٹک میزائل پروگرام پر اعتراض واشنگٹن: امریکی محکمہ خارجہ کے ترجمان میتھیو ملر کا کہنا ہے…
سینیٹ مکمل نہیں، ترامیم کیسے منظور ہو سکتی ہیں؟ علی محمد خان کا سوال اسلام آباد: پاکستان تحریک انصاف (پی…
لاہور بڑی تباہی سے بچ گیا، 3 دہشت گرد ہلاک لاہور : لاہور ایک بڑی تباہی سے بچ گیا ۔کائونٹر…