صنم جاوید رہائی کے بعد دوبارہ گرفتار، وکیل نے تصدیق کر دی
اسلام آباد: صنم جاوید کو رہائی کے بعد دوبارہ گرفتار کر لیا گیا
اسلام آباد میں پی ٹی آئی کارکن اور سوشل میڈیا ایکٹیوسٹ صنم جاوید کو ایک بار پھر پولیس نے گرفتار کر لیا ہے۔
صنم جاوید کو اسلام آباد پولیس نے دوبارہ حراست میں لے لیا ہے۔ صنم جاوید کے وکیل، میاں علی اشفاق، نے سوشل میڈیا پلیٹ فارم ایکس پر اپنی پوسٹ میں اس گرفتاری کی تصدیق کی۔
اپنے پیغام میں میاں علی اشفاق نے لکھا، ّّہم نے بغیر مزاحمت کے صنم جاوید کو پولیس کے حوالے کیا، یہی قانون کا احترام کرنے والوں کا رویہ ہونا چاہیے اور یہی ہم نے کیا۔
تاہم، میاں علی اشفاق نے اپنی پوسٹ میں یہ واضح نہیں کیا کہ صنم جاوید کو کس مقدمے میں گرفتار کیا گیا ہے۔
واضح رہے کہ آج ہی ڈسٹرکٹ اینڈ سیشن کورٹ اسلام آباد نے ایف آئی اے کے کیس میں صنم جاوید کے جسمانی ریمانڈ کی درخواست مسترد کرکے ان کی رہائی کا حکم دیا تھا۔
