اسلام آباد: جمعیت علمائے اسلام (ف) کے سربراہ مولانا فضل الرحمان نے سپریم کورٹ کے مخصوص نشستوں پر فیصلے کو جزوی طور پر تسلیم کرتے ہوئے پی ٹی آئی کے ساتھ خیرسگالی کا اظہار کیا ہے۔
میڈیا سے گفتگو کرتے ہوئے مولانا فضل الرحمان نے کہا کہ سپریم کورٹ کے مخصوص نشستوں کی تقسیم کے حوالے سے فیصلے پر حتمی رائے آئینی اور قانونی ماہرین ہی دے سکتے ہیں۔ انہوں نے کہا کہ جے یو آئی ف سپریم کورٹ کے فیصلے کو جزوی طور پر تسلیم کرتی ہے اور اس فیصلے کے نتیجے میں پی ٹی آئی کے ساتھ ک اظہار خیر سگالی
کرتے ہوئے اک دوسرے کے ساتھ تعاون کو مزید گہرا ہونے کی امید کرتے ہے۔
مولانا فضل الرحمان نے امید ظاہر کی کہ یہ فیصلہ دونوں جماعتوں کے باہمی تعلقات میں بہتری اور تحفظات کو دور کرنے کے لیے مذاکرات کا ماحول تشکیل دینے میں مددگار ثابت ہوگا۔
انہوں نے مزید کہا کہ جہاں تک نظرثانی اپیل کا تعلق ہے، جے یو آئی ف بطور جماعت اپیل دائر نہیں کرے گی، تاہم انفرادی طور پر متاثر ہونے والے افراد اپنے حق کا استعمال کر سکتے ہیں۔
مولانا فضل الرحمان نے کہا کہ بطور جماعت ہم اپیل نہیں کریں گے، لیکن انفرادی طور پر جے یو آئی ف کے اراکین اپنے حقوق استعمال کرنے میں آزاد ہیں۔
