بجلی میں اضافہ کی ذمہ دار پی ٹی آئی حکومت ہے: اویس لغاری
اسلام آباد:وفاقی وزیر توانائی اویس لغاری نے بجلی کی قیمتوں میں اضافے کا ذمہ دار تحریک انصاف کو ٹھہرا دیا۔ انہوں نے کہا کہ بجلی کی قیمتوں میں معمولی اضافہ کیا لیکن چینل اور اخبارات زیادہ رپورٹ کررہے ہیں۔
نجی ٹی وچینل کے پروگرام میں گفتگو کرتے ہوئے ان کا کہنا تھا کہ پاکستان تحریک انصاف کے دور میں بر وقت قیمتوں میں اضافہ نہ ہونے کے باعث حکومت کو بجلی کی قیمتوں میں زیادہ اضافہ کرنا پڑرہا ہے، پچھلے ماہ سے موازنہ کریں تو بجلی کی قیمتوں میں تھوڑا اضافہ کیا گیا ہے
دستاویزات کے مطابق، ماہانہ 301 سے 400 یونٹس پر بنیادی ٹیرف میں 7 روپے 02 پیسے کا اضافہ ہوا ہے اور نئی قیمت 39 روپے 15 پیسے مقرر کی گئی ہے۔ ماہانہ 401 سے 500 یونٹس پر ٹیرف میں 6 روپے 12 پیسے کا اضافہ ہوا ہے جس کے بعد نئی قیمت 41 روپے 36 پیسے ہوگی۔ ماہانہ 501 سے 600 یونٹس استعمال کرنے والوں کے لیے ٹیرف میں 6 روپے 12 پیسے کا اضافہ ہوا ہے اور نئی قیمت 42 روپے 78 پیسے مقرر کی گئی ہے۔ ماہانہ 601 سے 700 یونٹس کے ٹیرف میں بھی 6 روپے 12 پیسے کا اضافہ ہوا ہے، جس کے بعد فی یونٹ قیمت 43 روپے 92 پیسے کردی گئی ہے۔ 700 یونٹس سے زیادہ استعمال کرنے والے صارفین کے لیے بھی ٹیرف میں 6 روپے 12 پیسے کا اضافہ منظور کیا گیا ہے، اور ان کے لیے نئی قیمت 48 روپے 84 پیسے فی یونٹ ہوگی۔
بتایا جا رہا ہے کہ ایک سے 100 یونٹس استعمال کرنے والے غریب ترین اور پروٹیکٹڈ صارفین کے لیے بھی بنیادی ٹیرف میں اضافہ منظور کیا گیا ہے۔ اب 1 سے 100 یونٹ تک بجلی استعمال کرنے والے پروٹیکٹڈ صارفین کے لیے فی یونٹ قیمت 7 روپے 74 پیسے سے بڑھ کر 11 روپے 69 پیسے ہو گئی ہے، جو کہ 3 روپے 95 پیسے یا 51 فیصد اضافہ ہے۔ اسی طرح، 101 سے 200 یونٹس تک بجلی استعمال کرنے والے گھریلو صارفین کے لیے بنیادی ٹیرف 4 روپے 10 پیسے بڑھا ہے، جس کے بعد نئی فی یونٹ قیمت 14 روپے 16 پیسے ہو گئی ہے، جو پہلے 10 روپے 06 پیسے تھی۔
زمین کے گرد ملبے کا دائرہ، کیا اس نے دنیا کے موسم پر اثر ڈالا؟ میلبرن: ایک حیرت انگیز تحقیق…
2030 تک سعودی عرب شمسی توانائی سے 40 گیگا واٹ بجلی پیدا کرے گا ریاض: سعودی عرب نے شمسی توانائی…
کراچی میں یومیہ 45 افراد ہارٹ اٹیک کا شکار، 15 فیصد نوجوان نسل شامل کراچی: قومی ادارہ برائے امراض قلب…
مولانا طارق جمیل نے ہیئر ٹرانسپلانٹ کروالیا، ویڈیو وائرل پاکستان کے معروف اسلامی اسکالر اور عالمی شہرت یافتہ مبلغ، مولانا…
فیض حمید کا سیاسی کردار فوج کی روایات کے منافی تھا: سیکیورٹی حکام پاکستان کے اعلیٰ سیکیورٹی حکام نے ایک…
علی امین گنڈاپور کا لاہور جلسے کے حوالے سے اہم پیغام جاری پشاور: وزیراعلی خیبرپختونخوا نے لاہور جلسے کے حوالے…