وفاقی کابینہ کی بجلی کے بنیادی ٹیرف میں اضافے کی منظوری

وفاقی کابینہ کی بجلی کے بنیادی ٹیرف میں اضافے کی منظوری
اسلام آباد: مہنگائی کی چکی میں پسی عوام پر وفاقی کابینہ نے مزید بوجھ ڈالتے ہوئے بجلی کے بنیادی ٹیرف میں اضافے کی منظوری دیدی۔ نیپرا اتھارٹی نے بجلی کےٹیرف میں اضافہ کااطلاق یکم جولائی2024 سے کرنےکافیصلہ دیا تھا۔ وفاقی کابینہ کا فیصلہ یکساں ٹیرف کے لیے نیپرا کو بجھوایا جائے گا۔ نیپرا کی توثیق کے بعد وفاقی حکومت بجلی کے بنیادی ٹیرف میں اضافے کا نوٹیفکیشن جاری کرے گی۔ وفاقی کابینہ سے سرکولیشن کے ذریعے سمری کی منظوری لے لی گئی ہے۔
ذرائع کے مطابق نیپرانےبجلی کےبنیادی ٹیرف میں اوسط 5.72 روپےاضافے کا فیصلہ حکومت کو بھجوایا تھا۔ بجلی کے بنیادی ٹیرف میں اضافے کا فیصلہ مالی سال 25-2004 کے لیے ہے۔ نیپرا نےبجلی کااوسط بنیادی ٹیرف 29.78سے بڑھا کر35.50روپے فی یونٹ منظورکیا تھا۔