اسلام آباد: وزیراعظم کے مشیر برائے سیاسی امور رانا ثنااللہ نے عمران خان کی رہائی کو معافی سے مشروط کر دیا۔
نجی چینل کے ایک پروگرام میں گفتگو کرتے ہوئے رانا ثنااللہ نے کہا کہ اگر بانی پاکستان تحریک انصاف (پی ٹی آئی) عمران خان 9 مئی کے واقعات پر صدق دل سے معافی مانگ لیں تو ان کی رہائی ممکن ہو سکتی ہے۔ اس سے قبل اپنے ایک بیان میں انہوں نے کہا تھا کہ عمران خان کو حکومت نے نظر بند نہیں کیا بلکہ وہ اپنے مقدمات کی وجہ سے جیل میں ہیں، اگر عدالت انہیں رہا کرے تو حکومت کو کوئی اعتراض نہیں ہوگا۔ انہوں نے مزید کہا کہ عمران خان اپنی ضمانت ہائی کورٹ یا سپریم کورٹ سے کروا سکتے ہیں۔
