اقوام متحدہ کی سلامتی کونسل نے جعفر ایکسپریس پر ہونے والے دہشت گرد حملے کی شدید مذمت کرتے ہوئے اسے ایک بزدلانہ اور گھناؤنی کارروائی قرار دیا ہے۔ سلامتی کونسل کے جاری کردہ بیان میں تمام رکن ممالک کو پاکستان کے ساتھ مکمل تعاون کرنے پر زور دیا گیا، تاکہ دہشت گردی کے خلاف مؤثر کارروائی کی جا سکے۔
یہ واقعہ 11 مارچ کو پیش آیا جب کوئٹہ سے پشاور جانے والی جعفر ایکسپریس کو بلوچستان کے شہر سبی کے قریب دہشت گردوں نے نشانہ بنایا، جس کے نتیجے میں 26 پاکستانی شہری شہید ہوگئے۔ اس حملے کی ذمہ داری کالعدم تنظیم بی ایل اے کی مجید بریگیڈ نے قبول کی ہے۔
سلامتی کونسل نے متاثرہ خاندانوں، پاکستانی حکومت اور عوام کے ساتھ گہری ہمدردی اور تعزیت کا اظہار کیا اور زخمیوں کی جلد صحت یابی کے لیے نیک خواہشات کا اظہار کیا۔ کونسل نے اس مؤقف کو دہرایا کہ دہشت گردی کی کوئی بھی شکل یا مظہر ناقابل قبول ہے اور عالمی امن و استحکام کے لیے ایک سنگین خطرہ ہے۔
بیان میں اس بات پر زور دیا گیا کہ تمام ممالک عالمی قوانین اور سلامتی کونسل کی قراردادوں کے تحت پاکستان کے ساتھ تعاون کریں اور اس حملے میں ملوث عناصر کو انصاف کے کٹہرے میں لانے کے لیے ہر ممکن اقدام کریں۔ کونسل نے مزید کہا کہ دہشت گردوں، ان کے مالی معاونین اور سرپرستوں کے خلاف سخت کارروائی کی جانی چاہیے تاکہ عالمی سطح پر امن و سلامتی کو یقینی بنایا جا سکے۔
اقوام متحدہ کی جانب سے یہ بیان اس امر کی عکاسی کرتا ہے کہ عالمی برادری دہشت گردی کے خلاف متحد ہے اور پاکستان کو اس چیلنج سے نمٹنے کے لیے ہر ممکن تعاون فراہم کرنے کے لیے تیار ہے۔
نٹرنیشنل مانیٹری فنڈ (آئی ایم ایف) نے پاکستان کے ساتھ ہونے والے مذاکرات کو مثبت قرار دیتے ہوئے کہا ہے…
عید الفطر کی آمد قریب آتے ہی پاکستانی عوام میں نئے کرنسی نوٹوں کے حصول کی خواہش ایک بار پھر…
کراچی کے علاقے شارع فیصل پر واقع ایک گیسٹ ہاؤس سے خاتون کی لاش برآمد ہونے کے واقعے کا مقدمہ…
لاہور پروٹوکول کلچر جیسے ناسور کی زد میں بقلم کاشف شہزاد دنیا بھر میں پروٹوکول کا تصور کسی بھی محفل…
پاکستان انٹرنیشنل ایئرلائن (پی آئی اے) کی نجکاری کا عمل ایک بار پھر تیزی سے آگے بڑھ رہا ہے، اور…
لاہور: سی ٹی ڈی نے ایک خفیہ اطلاع پر کارروائی کرتے ہوئے دہشت گردوں کے خلاف برکی روڈ کے قریب…