ملک بھر میں رمضان المبارک 1446 ہجری کا چاند نظر نہیں آیا، جس کے بعد پہلا روزہ اتوار 2 مارچ کو رکھا جائے گا۔مرکزی رویت ہلال کمیٹی کا اجلاس پشاور کے اوقاف ہال میں منعقد ہوا، جس کی صدارت چیئرمین مولانا عبدالخبیر آزاد نے کی۔ اجلاس کے بعد پریس کانفرنس میں چیئرمین رویت ہلال کمیٹی نے اعلان کیا کہ ملک کے کسی بھی حصے سے چاند نظر آنے کی کوئی شہادت موصول نہیں ہوئی۔
اس سے قبل محکمہ موسمیات نے بھی پیشن گوئی کی تھی کہ آج چاند نظر آنے کا امکان نہ ہونے کے برابر ہے۔ ان کے مطابق چاند کی پیدائش آج صبح 5 بج کر 44 منٹ پر ہوئی اور چاند کو نظر آنے کے لیے کم از کم 16 سے 18 گھنٹے کا وقت درکار ہوتا ہے۔دوسری جانب، سپارکو کے مطابق شوال کا چاند 30 مارچ کو نظر آنے کا امکان ہے، جس کے تحت عید الفطر 31 مارچ کو ہونے کا امکان ہے۔
