اسلام آباد :وفاقی سرکاری تعلیمی اداروں میں موسم سرما کی تعطیلات کے بعد تعلیمی سرگرمیاں دوبارہ بحال ہوگئیں۔
وفاقی سرکاری تعلیمی اداروں میں 28 دسمبر سے 8 جنوری تک تعطیلات تھیں، جن کے اختتام پر اداروں میں تعلیمی عمل کا باقاعدہ آغاز ہوگیا۔
متعدد اداروں میں طلبہ کی اسمبلی اور دعا کا انعقاد کیا گیا جبکہ کلاسز باقاعدہ شروع کردی گئیں۔ چھٹیوں کے دوران غیر تدریسی عملے نے تعلیمی اداروں کی صفائی ستھرائی مکمل کروائی۔
والدین کی جانب سے موسم کی شدت کو مدنظر رکھتے ہوئے تعطیلات میں توسیع کا مطالبہ کیا گیا، تاہم سردی کے باوجود بچے اسکول آتے ہوئے خوش اور پُرجوش نظر آئے۔
