پاک فوج نے 9 مئی سانحہ کے 19مجرمان کو معافی دے دی

پاک فوج کے شعبہ تعلقات عامہ (آئی ایس پی آر) کی جانب سے جاری کردہ ایک بیان میں کہا گیا ہے کہ سانحہ 9 مئی 2023 کے 19 مجرمان کی سزاؤں میں معافی کا فیصلہ کیا گیا ہے۔ ان مجرمان نے سزاؤں کے خلاف رحم اور معافی کی پٹیشنز دائر کی تھیں، جن کی تعداد 67 تھی۔ اس فیصلے میں انسانی ہمدردی کے اصولوں کو مدنظر رکھا گیا اور 19 مجرمان کی پٹیشنز قانون کے مطابق منظور کی گئیں۔
بیان میں کہا گیا کہ ان پٹیشنز پر نظرثانی کی گئی اور باقی مجرمان کی درخواستوں پر قانون کے مطابق عمل درآمد کیا جائے گا۔ آئی ایس پی آر نے مزید بتایا کہ ان مجرمان کو ضابطے کی کارروائی مکمل کرنے کے بعد رہا کر دیا جائے گا۔

رہائی پانے والے مجرمان کے نام:

محمد ایاز
سمیع اللہ
لئیق احمد
امجد علی
یاسر نواز
سِیعد عالم
زاہد خان
محمد سلیمان
حمزہ شریف
محمد سلمان
اشعر بٹ
محمد وقاص
سفیان ادریس
منیب احمد
محمد احمد
محمد نواز
محمد علی
محمد بلاول
محمد الیاس

آئی ایس پی آر کے ترجمان نے مزید کہا کہ دیگر مجرمان کو بھی اپیل کرنے کا حق حاصل ہے اور قانون کے مطابق ان کے حقوق مکمل طور پر محفوظ رہیں گے۔ یہ سزاؤں کی معافی انصاف اور عدلیہ کے مضبوط عمل کی عکاسی کرتی ہے، اور اس سے قبل اپریل 2024 میں بھی انسانی ہمدردی کی بنیاد پر 20 مجرمان کی رہائی کا فیصلہ کیا گیا تھا۔