پی ٹی آئی رہنما زرتاج گل کے ناقابل ضمانت وارنٹ گرفتاری جاری

اسلام آباد کی ڈسٹرکٹ اینڈ سیشن کورٹ نے پاکستان تحریک انصاف (پی ٹی آئی) کی رہنما اور رکن قومی اسمبلی زرتاج گل کے ناقابل ضمانت وارنٹ گرفتاری جاری کر دیے ہیں۔ سول جج مبشر حسن نے یہ وارنٹ جاری کیے۔ عدالت کے مطابق زرتاج گل متعدد بار طلب کیے جانے کے باوجود پیش نہیں ہوئیں، جس کے باعث ان کے ناقابل ضمانت وارنٹ جاری کیے گئے ہیں۔  زرتاج گل کے خلاف اسلام آباد کے تھانہ بارہ کہو میں مقدمہ درج ہے۔  اسی مقدمے میں پی ٹی آئی کے بانی عمران خان اور شاہ محمود قریشی پہلے ہی بری ہو چکے ہیں۔

زرتاج گل کی گرفتاری کے بعد انہیں عدالت میں پیش کیا جائے گا، جہاں مقدمے کی مزید کارروائی آگے بڑھائی جائے گی۔