بیرون ملک جانے والے مسافروں کیلئے ہیلتھ ڈیکلریشن فارم کی شرط ختم کر دی گئی ہے۔ بارڈر ہیلتھ سروسز نے مسافروں کی ہیلتھ ڈیکلریشن فارم کی شرط ختم کردی ہے، اس فیصلے پر عمل درآمد کیلئے ایئرلائنز کو ہیلتھ ڈیکلریشن فارم کی تقسیم فوری بند کرنے کی ہدایت کی گئی ہے۔
ملک بھر کے ایئرپورٹس پر ہیلتھ آفیسر اور معاون کو ہدایات جاری کر دی گئی ہیں، کورونا وائرس کی وبا کے پیشِ نظر ڈیکلریشن فارم میں معلومات کا اندراج کرنا اور اس فارم کو لانج میں ہیلتھ سٹاف کے حوالے کرنا لازمی قرار دیا گیا تھا، بصورت دیگر پاکستان میں داخلہ اور امیگریشن کی اجازت نہیں تھی۔
واضح رہے کہ کرونا وبا کے بعد جب بین الاقوامی سفر شروع ہوا تو اس وقت حکومت کی جانب سے شہریوں کیلئیے ہیلتھ ڈیکلریشن فارم جمع کروانا لازمی قرار دیا گیا تھا لیکن اب حکومت نے اسکی شرط ختم کردی ہے۔ اور اس حکم نامے کا فوری اطلاق کردیا گیا ہے۔
