رشتہ ازدواج میں بندھنا کسی بھی انسان کی زندگی کا اہم موڑ ہوتا ہے۔ زندگی کی گاڑی ایک نئی ڈگر پر دوڑنے لگتی ہے۔ سال 2023 میں کئی بالی ووڈ سٹارز نے شادی کی۔ وقت ہمیشہ ایک سا نہیں رہتا، وقت تبدیل ہوتا رہتا ہے، وقت کا ہر زمانے میں منفرد قسم کا حسن ہوتا ہے۔
فلم اداکار اپنی بے مثال اداکاری کی وجہ سے مداحوں کے دلوں پر راج کرتے ہیں۔ مگر ساتھ ہی ساتھ وہ اپنا دل بھی کسی ایک کے لیے سنبھال کر رکھتے ہیں جسے وہ اپنے جیون ساتھی کے روپ میں دیکھنا چاہتے ہیں۔ سال 2023 میں کئی اداکاروں نے اپنی پسند کا جیون ساتھی چنا ہے اور شادی کے بندھن میں بندھ گئے ہیں۔
بالی ووڈ میں جن اداکاروں نے سال 2023 میں شادیاں کیں ان میں کیارا ایڈوانی اور سدھارتھ ملہوترا کی جوڑی کافی چرچوں میں رہی، پرینیتی چوپرا اور راگھو چڈھا بھی ایک ساتھ بہت اچھے لگے،رندیپ ہودا اور لین لائشرام کی جوڑی بھی کمال لگی اورسوارا بھاسکر اور فہد احمدکی جوڑی بھی قابل تعریف ہے۔ خیال رہے کہ چند روز قبل ہی سلمان خان کے بھائی ارباز خان نے شوریٰ خان سے شادی کر لی ہے اور یہ ارباز خان کی دوسری شادی ہے ۔
