پربھاس کی فلم سالار نے شاہ رخ خان کی فلم ڈنکی کو تگڑی ٹکر دے دی۔ سال 2023 میں بالی ووڈ کے بادشاہ شاہ رخ خان کی پٹھان اور جوان کے بعد نئی فلم ڈنکی ریلیز ہوئی ہے۔ جس یکی مارکیٹ میں خاصی دھوم مچی ہوئی ہے۔ اسی کے ساتھ ساتھ ساؤتھ انڈین فلم انڈسٹری سے پربھاس کی نئی فلم سالار 22 دسمبر کو ریلیز ہو چکی ہے۔ سالار نے ریلیز ہونے کے پہلے ہی دن اچھا خاصہ بزنس بھی کر لیا تھا نا صرف بزنس بلکہ یہ نئی ریلیز ہونے والی فلم شاہ رخ خان کی فلم ڈنکی کو تگڑی ٹکر دے رہی ہے۔
پربھاس کی فلم سالار نے اوپننگ ڈے پر ہی 178 کروڑ کا بزنس کر لیا ہے اور ہندی سینما کے سارے ریکارڈ توڑ ڈالے ہیں۔ تفصیلات کے مطابق اس فلم نے شاہ رخ خان کی فلم جوان کو بھی پیچھے چھوڑ دیا ہے۔
ذرائع کا کہنا ہے کہ سالار فلم کا دوسرا پارٹ بھی بنایا جائے گا، اس فلم میں پرابھاس سالارن کے کردار میں جبکہ پرتھوی راج سوکومان ورادراجا منراب کے کردار میں ایکشن میں نظر آ رہے ہیں۔
