نسیم شاہ کا حریم کو تحفہ؟

حریم شاہ نے سوشل میڈیا پر ایک تصویر شئیر کی ہے جس میں انہوں نے ہاتھوں میں پھولوں کا ایک گلدستہ تھام رکھا ہے۔ حریم شاہ نے تصویر شئیر کرتے ہوئے پوسٹ کی کیپشن میں لکھا شکریہ نسیم شاہ۔ اس پوسٹ میں حریم شاہ نے یہ تاثر دینے کی کوشش کی ہے کہ انہیں پھولوں کا تحفہ نسیم شاہ نے بھیجا ہے لیکن انہوں نے کوئی وضاحت نہیں کی ہے۔

حریم شاہ کی اس پوسٹ پر نسیم شاہ کے فینز نے شدید تنقید شروع کردی ہے اور حریم شاہ کو وارننگ دی ہے کہ ہمارے نسیم شاہ سے دور رہو۔

ایک سوشل میڈیا صارف نے لکھا ہے کہ حریم شاہ کو پی ایس ایل کا برانڈ ایمبیسڈر ہونا چاہیے۔

یاد رہے کہ گزشتہ چند ماہ سے حریم شاہ اپنی بہت سی پوسٹس میں نسیم شاہ کے ھوالے سے بات کرتی رہی ہیں۔ ورلڈ کپ سے قبل میچز میں بھی حریم شاہ نے کئی مرتبہ نسیم شاہ سے متعلق پوسٹس کی تھیں۔ البتہ اب صارفین نے ریڈ لائن کھینچتے ہوئے حریم سے کہا ہے کہ نسیم شاہ سے دور رہو۔