عاصم اظہر کے گانے میں فہد مصطفی ، صبا قمر رومانس کرتے نظر آئیں گے

کراچی(ویب ڈیسک) عاصم اظہر اپنا پہلا البم اور آنے والے سنگل شوز کے لیے ایک ٹیزر ریلیز کرنے کے لیے تیار ہیں، انھوں نے اپنے میوزک ویڈیوز کے لیے انٹرٹینمنٹ سے سرفہرست ناموں کو شامل کیا ہے ۔

عاصم نے پہلی بار ستمبر میں اپنی پہلی البم ریلیز کرنے کا اشارہ دیا تھا، جب انہوں نے میوزک انڈسٹری میں اپنے آٹھ سال مکمل ہونے کا جشن منایا۔ عاصم نے نوجوانی گانے کا آغاز کیا اور کیڈبری کے مشہور گانے کتنا مزہ آئے رے اور کوکومو مجھے بھی دو کے پیچھے آواز دی ۔ انہوں نے 2013 میں اپنے سنگل سن لے سے شہرت حاصل کی اور ملکہ ترنم نور جہاں کے مقبول گانے حنا کی خوشبو کے ساتھ اپنے کوک اسٹوڈیو کی شروعات کی۔

لیکن یہ مومنہ مستحسن کے ساتھ ان کا گانا ‘تیرا وہ پیار’ تھا جو فوری طور پر ہٹ ہوگیا اور یوٹیوب پر 148 ملین ویوز حاصل کرچکا ہے۔

ستمبر میں اس البم کے بارے میں اشارہ دینے کے بعد سے عاصم کے مداح ان کے انسٹاگرام پر البم کا بے صبری سے انتظار کر رہے ہیں ۔ تین ماہ کے انتظار کے بعد، آخرکار وہ وہی چیز حاصل کر رہے ہیں جس کا وہ بے صبری سے انتظار کر رہے تھے: عاصم اظہر نے اپنے البم کی پروموشن شروع کر دی ہے۔

فینزنے ٹیزر پر جوش و خروش کا اظہار کیا ہے، بہت سے لوگوں نے تبصرہ کیا کہ وہ "گانے کا بے صبری سے انتظار کر رہے ہیں "۔

یہ پہلا موقع ہے جب فہد اور صبا قمر عاصم کے لیے میوزک ویڈیو میں کام کریں گے۔ اس سے قبل انہوں نے تم تم میں ہانیہ عامر اور جو تم نہ ملا کے لیے اقرا عزیز کو شامل کیا تھا۔

مئی 2020 میں، عاصم نے آدتیہ رائے کپور اور دیشا پٹانی کی ملنگ کے لیے ہمراہ بھی گایا تھا ۔