سوریاونشی :اسلامو فوبیا کو فروغ دینے کے لیے ‘تباہ کن فلم’ ، بین الاقوامی میڈیا

ممبئی(ویب ڈیسک) روہت شیٹی کو مشہور پولیس فلم فرنچائز کی تیسری فلم ‘سوریاونشی’ میں اپنے سخت خیالات اور مسلمانوں کی غلط نمائندگی کے لیے شدید ردعمل کا سامنا کرنا پڑ رہا ہے۔

‘ گڈ مسلم بمقابلہ بیڈ مسلم ‘ کا نظریہ۔ ، جسے فلم میں آسانی سے پیش کیا گیا ہے،اس کو امن اور ہم آہنگی کی حمایت کرنے والی دنیا میں مسئلہ اور خطرناک قرار دیا جا رہا ہے۔

واشنگٹن پوسٹ کی ہندوستانی صحافی، رانا ایوب کا کہنا ہے کہ روہت شیٹی کی فلم "خطرناک ‘لو جہاد’ کی سازش کو آگے بڑھاتی ہے، فلم میں مسلمان مردوں کو ہندو خواتین یا لڑکیوں کو ورغلانے یا اغوا کرنے اور انہیں اسلام قبول کرنے کے لیے مجبور کیا جانا دکھایا گیا ہے۔”

وہ مزید کہتی ہیں کہ فلم کی "کامیابی نفرت اور امتیازی ماحول کو بڑھاوا دیتی ہے جس کا ہندوستان کے اندازے کے مطابق 200 ملین مسلمانوں کو روزانہ سامنا کرنا پڑتا ہے۔”

راناایوب نے لکھا، "فلم اپنے ایجنڈے کو چھپانے کا ڈرامہ بھی نہیں کرتی ہے – جو مودی کی حکومت کا دائیں بازو کا ہندو قوم پرست ایجنڈا ہے۔”

ٹوئٹر پر ان کے تبصروں کا جواب دیتے ہوئے صدر عارف علوی نے روہت شیٹی کے اسلام کے بارے میں فلم کو ‘خطرناک’ اور ‘تباہ کن’ قرار دیا۔

Dangerous for India. In this Islamophobic hatred India will destroy itself, no less. I hope & pray that sane elements within Indian society prevent this.
Milton Kandera wrote that ‘the first step in liquidating a people is to erase its memory. Destroy its books, its culture, https://t.co/gcyX1sNnIE

— Dr. Arif Alvi (@ArifAlvi) November 16, 2021

ہندوستانی اشاعت دی کوئنٹ نے نشاندہی کی ہے کہ سوریاونشی "عام مسلمانوں کے رویے کو مجرم بناتا ہے” اور "ان چیزوں کو جو ہندوستانی مسلمانوں کی ایک بڑی تعداد اپنی روزمرہ کی زندگی میں محسوس کرتی ہے، کہتی ہے یا کرتی ہے” اسے دہشت گردوں کے ساتھ جوڑتی ہے۔

صحافی رانا ایوب کی پوسٹ کا جواب دیتے ہوئے، برطانوی پاکستانی اداکار ریز احمد نے بھی اکشے کمار کی فلم پر ناراضگی کا اظہار کیا۔