عامر خان ’لال سنگھ چڈھا‘ کی ریلیز ایک بار پھر موخر کر دی گئی

ممبئی(ویب ڈیسک) عامر خان کی بہت زیادہ متوقع فلم ‘لال سنگھ چڈھا’ کی ریلیز ایک بار پھرپوسٹ پروڈکشن میں تاخیر کی وجہ سے ملتوی کردی گئی۔

رپورٹس کے مطابق فلم کی پوسٹ پروڈکشن ابھی مکمل نہیں ہوئی ہے اور شاید اس میں کافی وقت لگے گا۔

بالی ووڈ ہنگامہ نے حال ہی میں انکشاف کیا ہے کہ ، "یہ ایک بڑے کینوس پر بنی فلم ہے اور اس کے لیے کم از کم چھ ماہ کے پوسٹ پروڈکشن کام کی ضرورت ہے۔”

"عامر اور میکرز فلم کے معیار پر سمجھوتہ نہیں کرنا چاہتے ہیں اور اس لیے انہوں نے مشترکہ طور پر اسے 2 سے 3 ماہ تک ملتوی کرنے کا فیصلہ کیا ہے تاکہ اس پر تسلی سے کام کیا جا سکے۔ نئی ریلیز کی تاریخ، تاہم، ابھی تک سامنے نہیں آئی ہے،”

فلم کو ابتدائی طور پر کرسمس 2020 پر سینما گھروں میں نمائش کا فیصلہ کیا گیا تھا لیکن اسے پھر تبدیل کر کے فروری میں ریلیز کیا جانا تھا۔

تاہم، حالیہ رپورٹس اس بات کا اشارہ دے رہی ہیں کہ فلم کی لانچنگ ایک بار پھر ملتوی کر دی جائے گی۔

یہ فلم ٹام ہینکنز کی 1994 کی کلاسک ہٹ، فارسٹ گمپ کا ریمیک ہے، ‘لال سنگھ چڈھا’ میں کرینہ کپور، ناگا چیتنیا اور مونا سنگھ نے اداکاری کی ہے۔