کمیل نانجیانی T20 ورلڈ کپ کس ٹیم کو سپورٹ کر رہے ہیں ؟

نیویارک (ویب ڈیسک) منگل کو نمیبیا کے خلاف پاکستان کی جیت کے بعد، سوشل میڈیا پر مبارکباد کے پیغامات اور مبارکبادوں کا سلسلہ جاری ہے، جس میں آئی سی سی ٹی ٹوئنٹی ورلڈ کپ میں ایک اورکامیابی پر ٹیم کی تعریف کی جارہی ہے۔

کئی شائقین اور مشہور شخصیات نے پاکستان کرکٹ ٹیم کے لیے تعریفی ٹویٹس کیے ہیں۔ ایسا ہی ایک ٹویٹ ہالی ووڈ سے آیا اور وہ مارول ایٹرنلز کے اسٹار کمیل نانجیانی کا تھا۔

نانجیانی ایک پاکستانی نژاد امریکی سپر اسٹار ہیں جو کراچی میں پیدا ہوئے۔ وہ ایک عرصے سے پاکستان کرکٹ ٹیم کے مداح ہیں۔

انہوں نے گزشتہ ہفتے ایک ٹی وی شو میں پاکستان کرکٹ ٹیم سے اپنی محبت کا اظہار بھی کیا تھا۔

لائیو ود کیلی اینڈ ریان شو میں کیلی ریپا اور ریان سیکرسٹ سے بات کرتے ہوئے نانجیانی نے کہا کہ وہ آئی سی سی ٹی ٹوئنٹی ورلڈ کپ 2021 میں پاکستان کی حمایت کر رہے ہیں۔

نانجیانی نے کہا، "میری ٹیم پاکستان ہے، اور ہم بہت اچھا کر رہے ہیں، ہم ابھی تک [ورلڈ کپ میں] ناقابل شکست ہیں اور جب ہم میدان میں آئے تو کسی نے سوچا بھی نہیں تھا کہ ہم جیت جائیں گے۔”

نانجیانی نے یہ بھی اعتراف کیا کہ "اسے بیس بال بورنگ لگتا ہے،” کیونکہ وہ اس کی پیچیدگیوں کو نہیں سمجھ سکتا۔

نانجیانی آنے والی مارول فلم ایٹرنلز میں ایک سپر ہیرو کا رول کر رہے ہیں، جس کی ہدایت کاری چلو ژاؤ نے کی ہے۔ ایٹرنلز 5 نومبر کو ریلیز ہورہی ہے۔

آئی سی سی ٹی ٹوئنٹی ورلڈ کپ 2021 میں پاکستان کی کارکردگی

پاکستان نے ورلڈ کپ میں چار میں سے چار میچ جیتے اور سیمی فائنل کے لیے کوالیفائی کرنے والی ٹورنامنٹ کی پہلی ٹیم بن گئی ہے۔

پاکستان اپنے گروپ میں چار میچوں میں آٹھ پوائنٹس کے ساتھ سرفہرست ہے۔

اس ٹورنامنٹ میں پاکستان نے بھارت کو پہلی بار کسی آئی سی سی ورلڈ کپ میں شکست دی۔ پاکستان نے نیوزی لینڈ، افغانستان اور نمیبیا کو شکست دے کر اپنا ناقابل شکست ہونے کا سلسلہ جاری رکھا ہوا ہے۔

پاکستان اب اتوار کو سکاٹ لینڈ کا مقابلہ کرے گا۔ اس میچ میں جیت پاکستان کی گروپ میں ٹاپ پوزیشن کو یقینی بنائے گی۔