فیصل قریشی کار حادثے کا شکار

دبئی (ویب ڈیسک) پاکستان شوبز انڈسٹری کے معروف اداکار اور میزبان فیصل قریشی کئی ڈراموں میں اپنی اداکاری کے جوہر دکھا چکے ہیں۔ فیصل قریشی ان دنوں پیسا ایوارڈ کے لیے دبئی میں ہیں۔

فوٹو اور ویڈیو شیئرنگ ایپ انسٹاگرام پر فیصل قریشی نے ایک کہانی شیئر کی جس میں وہ ٹیکسی میں جا رہے تھے کہ اچانک کار کو حادثہ پیش آگیا۔ بعد میں وہ ویڈیو میں بھی نظر آئے۔ انہوں نے کہا کہ خدا کے فضل سے وہ حادثے میں محفوظ رہے جبکہ گاڑی کو شدید نقصان پہنچا ہے۔

حادثے کی ویڈیو سوشل میڈیا پر وائرل ہوتے ہی ان کے مداح ان کی خیریت دریافت کرنے لگے۔