بالی ووڈ سپر سٹار سلمان خان کی ایکشن تھریلر فلم "ٹائیگر تھری” 12نومبر کو سیمنا گھروں کی زینت بنے گی بھارتی میڈیا کی رپورٹ کے مطابق 12 نومبر کو ریلیز ہونے والی اس فلم میں بالی ووڈ کنگ شاہ رخ کیمیو کردار میں نظر ائین گے۔ یاد رہے کہ شاہ رخ کی بلاک بسٹر فلم "پٹھان” میں سلمان خان نے کومیو کردار ادا کیا تھا اور اب ٹائیگر 3 میں کنگ خان کیمیو ایکشن میں نظر آئیں گے۔
خیال رہے کہ کسی سٹار اداکار کی کسی دوسرے سٹار اداکار کی فلم میں چند سینز میں آمد کیمیو کہلاتی ہے۔ فلم پٹھان میں سلمان خان نے چند منٹ کا رول کیا تھا۔ اسے گیسٹ اپیرینس بھی کہتے ہیں۔
فلمی تجزیہ کاروں کا کہنا ہے کہ فلم ٹائیگر 3 منیش شرما کی ہدایت کاری میں بننے والی فلموں میں سے اب تک کی بہترین فلم ثابت ہوگی۔ فلم میں سلمان خان، کترینہ کیف اور عمران ہاشمی اداکاری کی جوہر دکھاتے نظر آئیں گے۔ فلم ہندی، تامل اور تیلگو زبان میں بھی ریلیز کی جائیگی۔ فلم کا ٹریلر دیکھیں:
