Categories: انٹرٹینمنٹ

شادی نہ ہونے کی وجہ میرے خلاف پھیلائی گئی منفی باتیں ہیں: کنگنا رناوت

ممبئی: بالی ووڈ کی متنازع اداکارہ اور بھارتیہ جنتا پارٹی (بی جے پی) کی رکن پارلیمنٹ کنگنا رناوت نے حال ہی میں اعتراف کیا ہے کہ ان کی شادی میں تاخیر کی ایک بڑی وجہ ان کے بارے میں پھیلائی جانے والی منفی باتیں ہیں۔ 38 سالہ اداکارہ نے ایک حالیہ بیان میں کہا ہے کہ ان کے خیالات شادی کے بارے میں مثبت ہیں اور وہ یقین رکھتی ہیں کہ ہر شخص کو ایک ساتھی کی ضرورت ہوتی ہے، اور ایک مکمل فیملی کا ہونا ضروری ہے۔
کنگنا رناوت نے کہا کہ ان کے خلاف بدنامی اور عدالتی کیسز کی وجہ سے ان کی شادی نہیں ہو پارہی۔ انہوں نے بتایا کہ جب بھی ان کی شادی کی بات چلتی ہے، پولیس ان کے گھر آجاتی ہے اور انہیں اٹھا کر لے جاتی ہے۔ ایک واقعے کا ذکر کرتے ہوئے اداکارہ نے بتایا کہ ان کے ساس سسر عدالت سے پیشی کے حکم کی وجہ سے واپس چلے گئے۔ تاہم، بعد میں انہوں نے اس بیان کو مذاق قرار دے دیا۔
کنگنا رناوت نے حال ہی میں بی جے پی کی جانب سے رکن پارلیمنٹ منتخب ہونے کا اعزاز حاصل کیا تھا، اور انہوں نے 5 لاکھ سے زائد ووٹ حاصل کیے تھے۔ ان کی سیاسی کامیابی نے انہیں بھارت کی سیاست میں ایک اہم مقام پر فائز کیا ہے۔

2 ہفتے ago

web