امام مسجد کے بیٹے کی یہودی خاتون سے شادی,محبت کی انوکھی داستان
ایک حیران کن اور دلکش داستان میں، افغانستان سے تعلق رکھنے والے امریکی نژاد سفی اللہ رؤف، جو کہ ایک امام کے بیٹے ہیں، نے حال ہی میں ایک یہودی خاتون، سیمی کینولڈ، کے ساتھ شادی کی ہے۔ یہ شادی مغربی ممالک میں رہنے والے مسلمانوں کے لیے کوئی نئی بات نہیں، لیکن ایک امام کے بیٹے کی یہودی خاتون سے شادی نے لوگوں کو حیران کر دیا۔
سفی اللہ رؤف 1994 میں پاکستان کے ایک افغان پناہ گزین کیمپ میں پیدا ہوئے تھے اور کم عمری میں ہی امریکا ہجرت کر گئے تھے، جہاں انہوں نے اپنی تعلیم مکمل کی۔ انہوں نے امریکی بحریہ میں بھی خدمات انجام دیں اور اسپیشل آپریشن فورسز ان افغانستان کے ساتھ لسانی اور ثقافتی مشیر کے طور پر کام کیا۔
سفی اللہ رؤف اور ان کے بھائی نے ایک فلاحی تنظیم بھی قائم کی، جو افغانستان سے غیر ملکی افواج کے انخلا کے بعد وہاں سے آنے والے افغان مہاجرین کی مدد کرتی ہے۔ 2021 میں سفی اللہ اور ان کے بھائی کو طالبان حکومت نے جاسوسی کے الزام میں گرفتار کر لیا تھا، لیکن 105 دن بعد ان کی رہائی ممکن ہوئی۔
گزشتہ ماہ، سفی اللہ رؤف نے سیمی کینولڈ کے ساتھ شادی کی، جو کہ ایک براڈ وے ڈائریکٹر ہیں۔ سیمی نے شادی کو ایک "بڑے کامیڈی ڈرامے” کی طرح قرار دیا، جس میں مختلف ثقافتی اور مذہبی پس منظر سے تعلق رکھنے والے لوگ شامل تھے۔ شادی کی تقریب 20 جولائی کو 300 مہمانوں کے سامنے منعقد ہوئی، جس میں سفی اللہ کے والد، جو کہ ایک امام ہیں، نے نکاح پڑھایا، اور سیمی کی 98 سالہ یہودی دادی نے عبرانی اور انگریزی میں دعائیں پڑھیں۔
شادی میں افغان ثقافت کی رسومات بھی ادا کی گئیں، جس میں دونوں خاندانوں نے جوش و خروش کے ساتھ حصہ لیا۔ دونوں کو خدشہ تھا کہ وہ ایک نہیں ہو سکیں گے، کیونکہ ان کے تعلقات کے آغاز کو صرف دو ماہ ہی ہوئے تھے کہ سفی اللہ کو طالبان نے گرفتار کر لیا تھا۔
سیمی نے کہا کہ معاشرے نے انہیں بتایا کہ وہ ایک نہیں ہو سکتے، لیکن ان کی شادی نے اس بات کو ثابت کیا کہ محبت ہمیشہ فتح پاتی ہے۔ انہوں نے امید ظاہر کی کہ ان کی شادی سے ایک بڑی سطح پر مثبت تبدیلی کا آغاز ہوگا، اور یہ ایک مثال بنے گی کہ محبت کی کوئی حد نہیں ہوتی۔
پارلیمنٹ کے بنائے قوانین پر عمل درآمد کریں،مخصوص نشستوں کی تبدیلی ممکن نہیں: ایاز صادق اسلام آباد: مسلم لیگ (ن)…
ہر شہر میں پی ایچ اے بنے گا، مریم نوازکا اعلان وزیراعلیٰ پنجاب مریم نواز شریف نے صوبے کے ہر…
معروف کمپنی کی ملازمہ کام کے دباؤ سے جاں بحق بھارت کے شہر پونے میں ایک افسوسناک واقعہ پیش آیا…
فارم 45 کو بنیاد بنا کر انتخابات چیلنج نہیں کیے جا سکتے:چیف جسٹس اسلام آباد میں سپریم کورٹ نے بلوچستان…
شہری 18 سال تک اپنے پڑوسی کا بجلی کا بل دیتا رہا کیلیفورنیا میں ایک حیرت انگیز اور غیر معمولی…
لاہور پولیس کا گداگروں کے خلاف بڑا کریک ڈاؤن لاہور پولیس نے رواں سال گداگروں کے خلاف بڑے پیمانے پر…